தேசிய முன்னணியின் மீது, மக்கள் கொண்ட அதிருப்தியை அலட்சியப்படுத்தியதே மே 9-ம் தேதி, 14-வது பொதுத் தேர்தலில் ஆளும் கட்சி தோல்வி அடையக் காரணம் என, மஇகா தேசியத் தலைவர் டாக்டர் சுப்ரமணியம் கூறினார்.
நேற்று, ஒரு செய்தி அறிக்கையில், 222 நாடாளுமன்றத் தொகுதிகளில் 79-ஐ மட்டுமே பிஎன் வென்றது எதிர்பாராதது, அதிர்ச்சியளித்தது என்று அவர் கூறியுள்ளார்.
“நாட்டின் சில பிரச்சினைகள், ஒரு தரப்பு மலேசியர்களுக்கு அதிருப்தியை ஏற்படுத்தியதை அறிந்திருந்தாலும், நாங்கள் அதில் மிகவும் அலட்சியமாக இருந்துவிட்டோம்.
“இந்தத் தேர்தலில் பிஎன்-விரோத அலை என்பது 2008-ம் ஆண்டு ஏற்பட்ட அரசியல் சூனாமியைப் போன்றதாகும்,” என்றும் அவர் கூறினார்.
விரக்தியடைந்தாலும், திறந்த மனதுடன் இந்த முடிவை ஏற்றுக்கொள்வது முக்கியம் என்று அவர் கூறினார்.
“எதிர்க்கட்சியாக நாங்கள் பணியாற்ற வேண்டிய நேரம் வந்துவிட்டது,” என்றார் அவர்.
“புத்ராஜெயாவைக் கைப்பற்ற வேண்டும் எனும் முயற்சியில், பக்காத்தான் ஹராப்பான் மலேசியர்களுக்குப் பல வாக்குறுதிகளை அளித்துள்ளது. அவர்கள் இந்த வாக்குறுதிகளை நிறைவேற்ற முடியுமா என்பதைக் காலம் தீர்மானிக்கும்.
“மலேசியர்கள் ஹராப்பான் மீது அதிக எதிர்பார்ப்பு கொண்டுள்ளனர், அதிக நம்பிக்கையை முதலீடு செய்துள்ளனர். மலேசியர்களின் நம்பிக்கையை ஹராப்பான் மதிக்கும் என நான் நம்புகிறேன்,” என்று அவர் கூறினார்.
மூன்று தவணையாக தனது வசமிருந்த சிகாமாட் நாடாளுமன்றத் தொகுதியைத் தற்காக்க தவறியதற்காக அவர் தனது ஏமாற்றத்தையும் தெரிவித்தார்.
கடந்த மூன்று தவணைகளில், மக்களுக்குத் தன்னால் இயன்ற சிறந்த சேவையை வழங்கி வந்ததாக சுப்ரமணியம் கூறினார்.
“நான் நாடாளுமன்ற உறுப்பினராக இருந்த காலகட்டத்தில், சிகாமாட் மகத்தான உள்கட்டமைப்பு மேம்பாடுகளை அடைந்ததைக் காண முடியும்.
“நான் கற்பனை செய்த, சிகாமாட்டின் பொருளாதார அபிவிருத்தி நடவடிக்கை திட்டத்தைச் செயல்படுத்த முடியாமல் போனது எனக்கு வருத்தமளிக்கிறது,” என்றும் அவர் தெரிவித்தார்.
fact is MIC failed the Indians…long long time, now can RIP.
டத்தோ சுப்பிரமணியம் தேர்தலில் தோல்வியுற்றது மனதிற்கு வேதனையளிக்கின்றது.
காலம் கடந்து அறிக்கை விட்டு என்ன பயன்? நாட்டில் நடந்தது எல்லாம் தெரிந்த பொழுதும் தத்தம் சுயநலனுக்காக இந்தியரின் நலனை எவ்வளவு விட்டுக் கொடுத்திருப்பீர்கள்? முன் செய்யின் பின் விளையும். அதைத்தான் ம.இ.க. இனி வரும் காலத்தில் அனுபவிக்கப் போகின்றது.
தங்கள் உள்மனதையே திரும்பவும் கேட்டுக் கொள்ளுங்கள். தமிழரின் அரசியல் பிரிவினைக்கு ம.இ.க. வெவ்வேறு காலத்தில் எவ்வாறு துணைபுரிந்து வந்துள்ளது என்பது இந்த ம.இ.க. தலைவர்களுக்குத் தெரியாதா? சாதியம் தமிழர்களின் ஒற்றுமையை குழைக்கும் கருவி என்று தங்களுக்குத் தெரியாதா? அவ்வாறு தெரிந்தும், ம.இ.கா. – வில் வெளிப்படையாகவே ஒவ்வொரு உறுப்பினர் முதல் குட்டித் தலைவர் மற்றும் உயர் மட்ட தலைவர்களிடையே தொன்றுதொட்டு சாதியம் வளர்க்கப்பட்டது ஏன்? எல்லாம் ம.இ.க. மேல்மட்ட மற்றும் கீழ்மட்ட தலைவர்களின் சுயநலம்தான் காரணம். ம.இ.க-வில் காட்டப்படும் சாதிய பற்றுதான் காரணம். இதனைக் களைய முற்படாமல் அவ்வப்போது இத்தகைய குற்றச்சாட்டுகள் எழும்போதெல்லாம் “ம.இ.க.-வில் சாதியம் பார்க்கப்படுவதில்லை” என்னும் மறைப்பும் தவிர்ப்பும்தானே பதிலாக வந்தது.
ம.இ.க. ஒரு குண்டர் கும்பல் கூடாரமாக வளர்ந்து வந்ததது தங்களுக்குத் தெரியாதா? தலை முதல் வால் வரை குண்டர் கும்பலை துணையாகக் கொண்டு செயல்படும் முறையும் தலைவராகிய தங்களுக்குத் தெரியாதா? ஆனால் அத்தகைய குண்டர்களுக்கு உடைந்தையாக இருந்தோர் பலர் ம.இ.க.-வின் சார்பில் அரசாங்கத்தில் உயர்மட்ட பதவிகள் வகித்து வந்தனர். அப்படியானால் நல்லோருக்கு ம.இ.க. வில் இடமில்லையென்று கற்றோரும் ஒதுங்கிக் கொண்டனர். இதுதானே இன்றைய ம.இ.க. வின் அழிவிற்குக் காரணம். உண்மையை ஏற்றுக் கொண்டு இனி ஆகப் போவதைப் பாருங்கள்.
இதுவரை மாநில மற்றும் தொகுதி ம.இ.க. தலைவர் பொறுப்புகளை கவனித்து வந்தோரை ஓய்வெடுக்கச் சொல்லி விட்டு புதிய தலைமுறையிடம் கட்சியை ஒப்படையுங்கள். தமிழரின் அரசியல் பொருளாதார நிலையை மேம்படுத்த கட்சியின் வழி வியூகங்களை அமைத்து அதனை நன்றாகச் செயல்படுத்த முடியுமா என்று பாருங்கள். மக்களின் துன்பங்களை அறிந்து அவர்களுக்கு உதவிட முன் வாருங்கள். ஆயிரம் வெள்ளி நன்கொடையோ அல்லது அரிசி பருப்பும் வாங்கிக் கொடுத்து பத்திரிக்கையில் பெயர் போட்டுக் கொண்டால் புகழ் வந்துவிடுமென்று எண்ணாதீர்கள். இல்லையேல், ம.இ.க அடுத்த தேர்தலில் ஒரு இடத்தைக் கூட வெல்ல முடியாமல் அழிக்கப்படும். அதுதான் ம.இ.க. தலைவர்களின் விருப்பமென்றால் தாங்கள் அழிவது உறுதி. சிவசிவ.
ம.இ.க.-வால் வளர்ந்தது அதன் குட்டித் தலைவர்களும் மேல் மட்ட தலைவர்களும். இந்நாட்டில் பெரும்பான்மை ஏழைகளாக வாழும் தமிழரின் வாழ்வாதாரம் வளரவில்லை. அதற்காக உழையுங்கள். இந்தியர் என்று சொல்லிக் கொண்டு தனக்கு இலாபம் வருமென்று எண்ணிக் கொண்டு தத்தம் தாய்மொழி வழி பாகுபடுத்திக் கொண்டு போகும் இந்தியர்களுக்காக தமிழரின் நலனை தாரைவார்த்து விட்டது போதும். இனி அவர் தமிழருடன் ஒன்று சேர்ந்து வாழட்டும். இல்லையேல் அவர்களுக்கென்று ஒரு அரசியல் கட்சி அமைத்துக் கொண்டு வாழட்டும். இது அவர் பிரச்சனை. நாம் அனைவரையும் ஒன்றுபடுத்தி ஒற்றுமையுடன் வாழ வேண்டுமென்று முயன்றது நமக்கே இன்று குழிபறித்தது. இதனைப் புரிந்து கொண்டு தமிழரின் அரசியல், பொருளாதார முன்னேற்றத்திற்குப் பாடுபடுங்கள். இல்லையேல், தலைமைப் பதவியை விட்டு விலகுங்கள்.
தமிழர் அவர்தம் வாழ்வாதாரத்திற்கு புதியதொரு விடியலைத் தேடிக் கொள்வார்.