பிகேஆர் தலைவர் அன்வார் இப்ராகிம் போர்ட் டிக்சன் மக்களுக்கு “இறைவன் கொடுத்த அன்பளிப்பு” என்று துதி பாடினார் மஇகா முன்னாள் உதவித் தலைவர் எஸ்.சோதிநாதன்.
நேற்று முதன்முறையாக பக்கத்தான் ஹரப்பான் மேடையில் தோன்றி அதற்கு ஆதரவாக பரப்புரை செய்த சோதிநாதன், வருங்கால பிரதமரைத் தங்களின் எம்பியாக பெறப்போகும் போர்டி டிக்சன் மக்கள் மிகவும் கொடுத்து வைத்தவர்கள் என்றார்.
“சுதந்திரம் பெற்றதிலிருந்து 222 நாடாளுமன்றத் தொகுதிகளில் ஏழு தொகுதிகளில் உள்ள வாக்காளர்களுக்குத்தான் அவர்களின் எம்பிகள் பிரதமர்களாகும் அதிர்ஷ்டம் கிடைத்துள்ளது”, என்றாரவர்.
இப்போது போர்ட் டிக்சன் வாக்காளர்களுக்கும் அந்த வாய்ப்பு கிடைத்துள்ளது. அவர்கள் அன்வாருக்கு முழு ஆதரவளித்து அவர் மிகப் பெரிய பெரும்பான்மையில் வெற்றி பெறச் செய்ய வேண்டும் என்று சோதிநாதன் கேட்டுக்கொண்டார்.
