‘ஹராப்பான் உச்ச சபைக்கு அடுத்த பிரதமரை தீர்மானிக்கும் தகுதி இல்லை’

பக்காத்தான் ஹரப்பன் உச்ச சபைக்கு அடுத்த பிரதமரை தீர்மானிக்க தகுதி (சட்டபூர்வமான நிலை) இல்லை என்று பசீர் மாஸ் பாராளுமன்ற உறுப்பினர் அகமட் பாட்லி ஷாஹரி கூறினார்.

நாடாளுமன்ற உறுப்பினர்களுக்கு மட்டுமே அவ்வாறு செய்ய தகுதி உள்ளது என்று அவர் கூறினார்.

உச்ச சபைக் கூட்டத்தின் எந்தவொரு முடிவும் பிரதமரின் நிலைப்பாட்டை பாதிக்காது என்று மலாய் நாளேடான சினார் ஹரியானில் குறிப்பிட்டுள்ளார். இதற்கு டேவான் ராக்யாட்டில் உள்ள பாராளுமன்ற உறுப்பினர்களின் பெரும்பான்மை ஆதரவு இல்லை என்றும் அவர் கூறினார்.

“அந்த காரணத்தை அடிப்படையாகக் கொண்டு, ஹராப்பான் உச்ச சபைக்கு அடுத்த பிரதமரை தீர்மானிக்கும் நிலைப்பாடு இல்லை என்பது எனது கருத்து”, என்று அவர் சொன்னார்.

“ஹராப்பான் மூத்த தலைமைக் குழு ஒரு முடிவை கொண்டு வர முடியும், ஆனால் எம்.பி.க்களுக்கு மட்டுமே முடிவெடுக்கும் தகுதி இருப்பதால், அவர்களின் எந்த முடிவும் பிரதமரின் நிலையை பாதிக்காது” என்று பாட்லி கூறினார்.

டாக்டர் மகாதீர் முகமதுவிடம் இருந்து பி.கே.ஆர் தலைவர் அன்வர் இப்ராஹிமுக்கு அதிகார மாற்றம் குறித்த பேச்சுவார்த்தைகளுக்கு மத்தியில் அவர் இந்த கருத்தை தெரிவித்தார்.

பிப்ரவரி 21ம் தேதி நடைபெறும் உச்சசபைக் கூட்டத்தின் போது மகாதீரை விரைவில் பதவி விலகச் சொல்லுமாறு சபைக்கு அவர் சவால் விடுத்தார்.

முன்னதாக, கூட்டத்தின் போது ஒரு குறிப்பிட்ட அதிகார மாற்றத்திற்கான தேதி விவாதிக்கப்படும் என்று தான் நம்புவதாக அன்வர் கூறியிருந்தார்.

இதனிடையே, பாஸ் மகாதீர் ஆட்சி காலம் முடியும் வரை முழு பதவியில் இருக்க வேண்டும் என்று வலியுறுத்தி வருகிறது, மேலும் அது ஒரு நம்பிக்கை வாக்கெடுப்பைத் தொடங்க முனைந்துள்ளது.

பிப்ரவரி 14 ம் தேதி, மகாதீர், அவர் இன்னும் “22 ஆண்டுகள்” பிரதமராக இருக்க சிலர் விரும்புவதாகக் கூறினார், ஆனால் நவம்பர் மாதம் கோலாலம்பூரில் நடக்கும் ஆசிய-பசிபிக் பொருளாதார ஒத்துழைப்பு உச்சிமாநாட்டின் முடிவில் அவர் பதவி விலகுவதாக உறுதியளித்தார்.

இருப்பினும், பி.கே.ஆரில் அன்வாரின் போட்டியாளர்களும் எதிர்க்கட்சியும் அதிகார மாற்றத் திட்டத்தைத் தடுக்கவும் அன்வார் பிரதமராவதை தடுக்கவும் செயல்படுவதாகக் கூறப்படுகிறது.