பிரதமரான பிறகு டாக்டர் மகாதீர் தனது அமைச்சரவையில் இணைவதை வரவேற்கிறார் அன்வார்

டாக்டர் மகாதீர் முகமது பிரதமர் பதவியை ராஜினாமா செய்த போதிலும் அமைச்சரவையில் இருப்பார் என்ற கருத்துக்கு பி.கே.ஆர். தலைவர் அன்வார் இப்ராஹிம் வரவேற்றுள்ளார்.

“நான் அதை PH உயர் சபைக்கு விட்டுவிடுகிறேன், அந்த யோசனையை நான் வரவேற்கிறேன்”.

“இது நாட்டிற்கு மிகவும் நல்லது. அவரின் அனுபவம் நிச்சயமாக அமைதியான அதிகார மாற்றத்தை உறுதிப்படுத்தவும். பொருளாதாரத்தை முன்னோக்கி நகர்த்தவும் உதவும்”, இன்று கோலாலம்பூரில் இந்த விவகாரம் குறித்து செய்தியாளர்களிடம் பேசினார் அன்வார்.

இருப்பினும், இப்போதைக்கு மகாதீரின் அமைச்சரவையில் இணைய மாட்டேன் என்று அன்வார் தெரிவித்தார்.

“இது திட்டத்தில் இல்லை,” என்று அவர் கூறினார்.

டாக்டர் மகாதீருக்கும் அன்வாருக்கும் இடையில் அதிகார மாற்றம் தொடர்பான பிரச்சினை குறித்து PH உயர் சபை நாளை விவாதிக்கும் என்று எதிர்பார்க்கப்படுகிறது. இந்த விவகாரம் குறித்த விவாதங்கள் சுருக்கமாக சுமார் அரை மணி நேரம் மட்டுமே இருக்கும் என்று அன்வர் எதிர்பார்க்கிறார்.

நவம்பர் மாதம் கோலாலம்பூரில் நடைபெறவிருந்த ஆசிய பசிபிக் பொருளாதார ஒத்துழைப்பு (அபெக்) உச்சிமாநாட்டைத் தொடர்ந்து அதிகார மாற்றம் செய்ய அன்வார் மற்றும் டாக்டர் மகாதீர் இருவரும் ஒப்புக் கொண்டனர்.

இருப்பினும், உச்ச கவுன்சில் உறுப்பினர் ரைஸ் யாத்திம், அதிகாரப் மாற்றம் தொடர்பாக நவம்பருக்கு முன்பு ஏதோ ஒன்று நடக்கும் என்ற ஊகத்தை அளித்துள்ளார்.

அன்வார் இந்த விஷயத்தில் கருத்து தெரிவிக்க மறுத்து, அது ரைஸின் தனிப்பட்ட கருத்து என்று விவரித்தார்.

அதிகாரப் பரிமாற்றம் அரசியலமைப்பிற்கு விரோதமானது என்ற பாஸின் குற்றச்சாட்டுகளையும் பி.கே.ஆர் தலைவர் மறுத்தார்.

“பாஸ் அரசியலமைப்பைப் படித்து நமது வரலாற்றைப் புரிந்து கொள்ள வேண்டும்” என்று அவர் கூறினார்.