மக்களுக்கு இதைச் செய்யாதீர்கள் – அரசியல்வாதிகளிடம் அம்பிகாவின் வேண்டுகோள்

இந்த நேரத்தில் தேசத்தில் ஒரு பொதுத் தேர்தலை நடத்த முடியாது என்ற தனது நிலைப்பாட்டை மீண்டும் வலியுறுத்தியுள்ள அம்பிகா ஸ்ரீனேவாசன், தற்போதைய முட்டுக்கட்டைகளுக்கு ஒரு தீர்வை காணுமாறு அரசியல்வாதிகளை வலியுறுத்தியுள்ளார்.

இன்று மாலை ஒரு ட்விட்டர் பதிவில், முன்னாள் பெர்சே தலைவர் அம்பிகா, இந்த விவகாரம் குறித்து தேர்தல் ஆணையத் தலைவர் அசார் அஜீசன் ஹருனுடன் ஆலோசனை நடத்தியதாகக் கூறினார்.

“2018 பொதுத் தேர்தலுக்கான செலவு சுமார் அரை பில்லியன் (ரிங்கிட்).

“ஒரு விரைவான தேர்தல் RM750 முதல் 800 மில்லியன் வரை செலவாகும்! அரசியல்வாதிகளே, தயவுசெய்து ஒன்றிணைந்து பிரச்சனைகளைத் தீர்க்கவும். உங்கள் அரசியலின் தயவில் இருக்கும் மக்களுக்கு நீங்கள் இதைச் செய்யாதீர்கள்” என்று அவர் மேலும் கூறினார்.

94 வயதான மகாதீருக்கு, பி.என். மற்றும் பாஸ் உள்ளிட்ட ஒற்றுமை அரசாங்கத்தை உருவாக்க வாய்ப்பு வழங்கப்பட்டால், பின் எந்த எதிர்க்கட்சியும் இருக்காது என்று மலேசியர்கள் கவலைப்படுகிறார்கள் என்று மற்றொரு ட்விட்டர் பயனருக்கும் அவர் பதிலளித்தார்:

“அவர் செய்த சில தைரியமான நியமனங்களைப் பாருங்கள்: எ.கா. முதல் பெண் சி.ஜே. (தலைமை நீதிபதி துங்கு மைமுன் துவான் மாட்) மற்றும் இப்படி பலர் உள்ளனர். எதிர்க்கட்சியும் இருக்காது என்பது ஒரு தவறான கருத்து,” என்று அவர் மேலும் கூறினார்.