அம்பிகா, மரினா உட்பட 16 பேர் போலீசாரால் விசாரனை

சமீபத்திய அரசாங்க மாற்றங்களால் ஏற்பட்ட ஆர்ப்பாட்டங்கள் தொடர்பாக எஸ்.அம்பிகா மற்றும் முன்னாள் பிரதமர் மகாதீரின் மகள் மரினா உட்பட 18 ஆர்வலர்கள் இன்று போலிஸாரால் விசாரிக்கப்படுகிறார்கள்.

அமானாவின் முன்னாள் துணை இளைஞர் தலைவர் முஹம்மது பைஸ் ஃபட்ஸில் மற்றும் துணை இளைஞர் தலைவர் அப்பாஸ் அஸ்மி ஆகியோரும் விசாரணைக்கு அழைக்கப்பட்டனர்.

அவர்கள் கோலாலம்பூரில் உள்ள டாங் வாங்கி பொலிஸ் தலைமையகத்தில் நேற்று மதியம் 12.00 மற்றும் பிற்பகல் 3 மணிக்கு இரண்டு தனித்தனி விசாரணைகள் நடத்தப்பட்டன.

அவர்கள் அனைவரும் கூடுவதற்குமுன்னால், ஒரு முன் அறிவிப்பை வழங்கத் தவறியதற்காக Akta Perhimpunan Aman 2012 இன் கீழ் விசாரிக்கப்படுகிறார்கள். ஆர்வலர் ஃபடியா நட்வா ஃபிக்ரி மட்டும் மூன்று செயல்களின் கீழ் விசாரிக்கப்பட்டு வருகிறார்.

Akta Hasutan 1948 மற்றும் Akta Komunikasi dan Multimedia 1998 ஆகியவற்றின் கீழும் ஃபடியா விசாரிக்கப்படுகிறார்.

விசாரிக்கப்பட்டவர்கள்:

எஸ் அம்பிகா
மரினா மகாதிர்
முஹம்மது பைஸ் ஃபட்ஸில்
ஃபடியா நட்வா ஃபிக்ரி
இ நளினி
ஆஷீக் அலி
லீ லியாங் ஹாங்
வோங் யான் கே
நிக் அசுரா
அமீர் ஹரிரி அப்து ஹாடி
அஸ்மலிப் அப்துல் ஆடம்
அப்பாஸ் அஸ்மி
அமர் அதான்
பெவர்லி ஜோமென்
ஆயிஷா ஆடம்
அசாம் மேக்தார்
ரெண்ட்டிபெப்பர் இஸ்மாயில்
டாபி செவ்
ரிட்ஜுவான் அபுபக்கர்

நியாயமற்ற விதிகள் என்கிறார் மரினா

விசாரணையின் பின்னர் செய்தியாளர்களிடம் பேசிய மரினா, அறிவிப்பு கோர வேண்டும் என்ற விதிகள் நியாயமற்றவை, ஏனெனில் என்ன நடந்தது என்பது ஊகிக்கமுடியாத ஒன்று.

“10 நாட்கள் முன்பே என்ன நடக்கப்போகிறது என்று எங்களுக்குத் தெரிந்தால், நாங்கள் அறிவிப்பை அனுப்பி இருப்போம்”.

“அப்படியென்றால், இங்குள்ள அனைவரையும் தவிர, எங்களுடன் இருந்த அனைவரையும் அழைக்கலாமே,” என்று அவர் கூறினார்.

எஸ் அம்பிகா

இந்த விசாரணை ஒரு புதிய அரசாங்கத்திற்கு ஒரு நல்ல தொடக்கமல்ல என்றும் அம்பிகா கூறினார்.

“என்ன நடந்துள்ளது என்பதற்குப் பிறகு மக்கள் அமைதியாக இருப்பார்கள் என்று நீங்கள் நினைக்கிறீர்களா” என்று முன்னாள் பார் கவுன்சில் தலைவர் எஸ் அம்பிகா கூறினார்.

இதற்கிடையில், பைஸ் அவர்களின் நடவடிக்கைகளை தற்காத்து, சாதாரண மக்கள் தங்கள் கருத்துக்களுக்கு குரல் கொடுத்ததாக கூறினார்.

“காவல்துறையினர் சுயாதீனமாக செயல்பட வேண்டும். கட்சி தாவும் சட்டமன்ற உறுப்பினர் அல்லது நாடாளுமன்ற உறுப்பினர்களை விசாரிக்க வேண்டும். அவர்களின் நடவடிக்கைகள் சட்டவிரோதமானதா அல்லது ஏதேனும் குற்றக் கூறுகள் உள்ளதா என்று விசாரிக்க வேண்டும்” என்று பைஸ் கூறினார்.