எல்.டி.டி.இ வழக்கு நிறுத்தம்: தேவைப்பட்டால் கடுமையான நடவடிக்கை எடுக்கப்படும் என்று ஹம்சா கூறினார்

தமிழீழ விடுதலை புலி இயக்கத்துடன் தொடர்புடையதாகக் கூறப்படும் 12 மலேசியர்களுக்கு எதிரான குற்றச்சாட்டுகள் குறித்து உள்துறை அமைச்சர் ஹம்சா ஜைனுதீன் மேலும் கலந்துரையாட உள்ளார்.

தனது அமைச்சு மற்றும் காவல்துறையின் உயர் அதிகாரிகளுடன் கலந்துரையாடல்கள் நடைபெறும் என்றும், தேசிய சட்டம் மற்றும் அரசியலமைப்பின் படி, தேவைப்பட்டால் கடிமையான நடவடிக்கை எடுக்கப்படும் என்றும் அவர் கூறினார்.

“வன்முறை பிரச்சினை என்பது நம் நாட்டில் மட்டுமல்ல, இது உலகளாவிய பிரச்சினை. நாங்கள் தகுந்த நடவடிக்கை எடுக்க வேண்டுமானால் நான் தீர்க்கமான நடவடிக்கை எடுப்பேன், அது நாட்டின் சட்டங்களையும் அரசியலமைப்பையும் பின்பற்றும்” என்றார்.

இரண்டு டி.ஏ.பி. சட்டமன்ற உறுப்பினர்களுடன் தொடர்புடைய 12 நபர்கள் மீதான விசாரணையை தனது அமைச்சு மீண்டும் திறக்குமா என்று கேட்டபோது அவர் இவ்வாறு கூறினார்.

பிப்ரவரி 21 அன்று, முன்னாள் அட்டர்னி ஜெனரல் டாமி தாமஸ் பாதுகாப்பு குற்றங்கள் (சிறப்பு நடவடிக்கைகள்) சட்டம் 2012 (சோஸ்மா) தமிழீழ விடுதலை புலி இயக்கத்துடன் தொடர்புடையதாகக் கூறப்படும் விசாரணையில் 12 நபர்களுக்கு எதிரான நடவடிக்கைகளை நிறுத்த தனது அதிகாரத்தின் கீழ் செயல்பட்டார்.

குற்றம் சாட்டப்பட்ட 12 பேருக்கும் எதிரான 34 குற்றச்சாட்டுகளில் எந்தவொரு குற்றச்சாட்டும் தெளிவாக இல்லை என்று அவர் உணர்ந்ததால் அவரது முடிவு எடுக்கப்பட்டது. அனைத்து 12 நபர்களும் விடுவிக்கப்பட்டனர்.

12 நபர்களும் கடந்த ஆண்டு அக்டோபரில் கைது செய்யப்பட்டனர், அவர்கள் ஜாமீன் பெறவில்லை.

எவ்வாறாயினும், குற்றவியல் நடைமுறைச் சட்டத்தின் பிரிவு 302 (1) இன் கீழ், குற்றம் சாட்டப்பட்ட அல்லது விடுவிக்கப்பட்ட ஒரு நபர் மீது அதே குற்றத்தை மீண்டும் சுமத்த முடியாது என்பதை கவனத்தில் கொள்ள வேண்டும்.

தமிழீழ விடுதலை புலி இயக்கத்தின் வேலுபிள்ளை பிரபாகரனின் படங்களை அந்த நபர்கள் தங்கள் தொலைபேசியிலோ அல்லது பேஸ்புக்கிலோ வைத்திருக்கும் ஆதாரங்களின் மூலம், குற்றத்தை அரசு தரப்பு நிரூபிப்பது கடினம் என்று தாமஸ் தன் 11 பக்க ஊடக அறிக்கையில் தெளிவுபடுத்தினார்.

அதோடு, பயங்கரவாத குழுக்கள் என்ற பட்டியலை மீண்டும் மறுஆய்வு செய்யுமாறு தாமஸ் உள்துறை அமைச்சகத்தையும் கேட்டுக்கொண்டார்.

எவ்வாறாயினும், தமிழீழ விடுதலை புலி இயக்கம் ஒரு பயங்கரவாதக் குழுவாக பட்டியளிட தனக்கு வலுவான ஆதாரம் இருப்பதாக அப்போதைய உள்துறை மந்திரி முகிதீன் யாசின் கூறினார். அது இன்னும் பொது ஒழுங்கு மற்றும் தேசிய பாதுகாப்புக்கு அச்சுறுத்தலாக இருக்கும் சித்தாந்தங்களைக் கொண்டுள்ளது என்று கூறினார்.