சுமார் 18 மாதங்கள் பதவியில் இருந்தபின், மாராவின் தலைவர் ஹஸ்னிதா ஹாஷிமின் பதவியை அரசாங்கம் நீக்கியதாக கூறப்படுகிறது.
ஜமீலா ஜமாலுதீன், தெங்கு தான் ஸ்ரீ மஹலீல் தெங்கு ஆரிஃப், நுங்சாரி அகமது ராதி, அமீர் அலி மைடின், சையத் தமீம் அன்சாரி சையத் முகமது, ஜக்ரி மொஹமட் கிர் மற்றும் அஹ்மத் பஸ்லான் சே காசிம் உள்ளிட்ட பல மாரா கவுன்சிலர்களும் பதவி நீக்கம் செய்யப்பட்டுள்ளனர்.
அவர்கள் PH அரசாங்கத்தின் “அரசியல் நியமனங்கள்” என்று கருதப்பட்டதால் அவர்களின் சேவை நிறுத்தப்பட்டது என அறியப்படுகிறது.
இருப்பினும், பணிநீக்கம் செய்யப்பட்டவர்களில் ஒருவர், முன்னாள் நிதியமைச்சர் டைம் ஜைனுதீன் தலைமையிலான தேசிய ஆலோசனைக் குழுவால் நேர்காணல் செய்யப்பட்டு மதிப்பீடு செய்யப்பட்ட பின்னர் அவர்களின் நியமனம் உறுதிசெய்யப்பட்டது என்று கூறினார்.
மாரா போன்ற சட்டரீதியான அமைப்புகளை மறுசீரமைப்பதில் ஒரு பகுதியாக அவை தலைமையேற்றவர்கள்.
மாரா, கிராமப்புற மேம்பாடு அமைச்சின் (Kementerian Pembangunan Luar Bandar) கீழ் உள்ளது. இதன் புதிய அமைச்சர் அப்துல் லத்தீப் அகமது, முன்னாள் அம்னோ நாடாளுமன்ற உறுப்பினர் ஆவார். இவர் 2019 பிப்ரவரியில் பெர்சத்துவில் சேர்ந்தார்.
உலகளாவிய நிதி நிர்வாகத்தில் 26 வருட அனுபவத்துடன், ஹஸ்னிதா 2018 ஆம் ஆண்டு அக்டோபர் 1 ஆம் தேதி மாராவின் தலைவராக நியமிக்கப்பட்டார். மேபேங்க் சொத்து மேலாண்மை குழுவின் (Maybank Asset Management Group) தலைவராகவும், மேபேங்க் குழுமத்தின் (Maybank Group) இயக்குநர்கள் குழுவின் உறுப்பினராகவும் உள்ளார்.
