கோவிட்-19 தொற்றுநோயை சமாளிக்க உதவும் வகையில் சிறு மற்றும் நடுத்தர நிறுவனங்களுக்கு (SME) பொருளாதார தூண்டுதலின் கூடுதல் ஒதுக்கீட்டை பிரதமர் முகிடின் யாசின் அறிவிக்க உள்ளார்.

முந்தைய RM250 பில்லியன் திட்டம் SME துறைக்கு உதவ போதுமானதாக இல்லை என்று கூறிய தொழில்துறைகளின் புகார்களைத் தொடர்ந்து இந்த புதிய திட்டம் அறிவிக்கப்படவுள்ளது.

முகிதீன் தனது சமீபத்திய திட்டத்தை இன்று மாலை 4 மணிக்கு முக்கிய தொலைக்காட்சி சேனல்களில் வெளியிடுவார் என்று எதிர்பார்க்கப்படுகிறது. இந்த அறிவிப்பு SMEகளுக்கான (கூடுதல் தொகுப்பு) சிறப்பு செய்தி என்று குறிப்பிடப்படுகிறது.

மார்ச் 27 அன்று அறிவிக்கப்பட்ட முந்தைய RM250 பில்லியன் ஒதுக்கீடு, கடன்களை தாமதமாக திருப்பிச் செலுத்துதல் போன்ற தனிநபர்கள் மீது அதிக கவனம் செலுத்துவதாகக் காணப்பட்டது.

SMEக்காக, முந்தைய தூண்டுதல் திட்டத்தில், கடன்கள், நிறுத்தி வைக்கும் வரி, பயன்பாட்டுகளுக்கான தள்ளுபடிகள் மற்றும் RM4,000 அல்லது அதற்கும் குறைவாக சம்பாதிக்கும் தொழிலாளர்களுக்கு மூன்று மாதங்களுக்கு RM600 ஊதிய மானியங்களை வழங்குதல் போன்ற சலுகைகள் அளிக்கப்பட்டன.

இருப்பினும், எதிர்க்கட்சி RM1200ஐ விட அதிகமான மானியங்களுக்கு கோரிக்கை விடுத்தது. இது மற்ற நாடுகளால் அறிவிக்கப்பட்ட நிதியை விட குறைவாக இருப்பதாகவும், வேலையின்மையைத் தடுக்க போதுமானதாக இருக்காது என்றும் எதிர்க்கட்சியினர் கூறினர்.

கோவிட்-19 பாதிப்பை தடுப்பதற்காக அரசாங்கம் மார்ச் 18 அன்று நடமாட்டக் கட்டுப்பாடு ஆணையை நடைமுறைப்படுத்தியது.

மார்ச் 31 ம் தேதி முடிவடையவிருந்த நடமாட்டக் கட்டுப்பாடு ஆணை ஏப்ரல் 14 வரை நீட்டிக்கப்பட்டது. இந்த உத்தரவு நாட்டின் பொருளாதாரத் துறையையும் மந்தமாக்கியுள்ளது.