நடமாட்டக் கட்டுப்பாட்டு ஆணையை பின்பற்றி இன்றும் நாளையும் வைசாக்கி, சித்திரைப் புத்தாண்டு மற்றும் விஷு (மலையாளி புத்தாண்டு) கொண்டாட்டங்களை மலேசிய இந்துக்கள் வீட்டில் கொண்டாடுமாறு கேட்டுக்கொள்ளப்படுகிறார்கள்.
மலேசிய இந்து சங்கத் தலைவர் மோகன் ஷான், இந்த ஆண்டு, தமிழ் இந்துக்கள் மற்றும் மலையாளிகள் தங்கள் குடும்ப உறுப்பினர்களுடன் புதிய ஆண்டைக் கொண்டாட ஒரு சிறந்த வாய்ப்பாகும் என்றார்.
“வழக்கமாக, சித்திரைப் புத்தாண்டு மற்றும் விஷுவை அவர்களது குடும்ப உறுப்பினர்களுடன் கொண்டாட வாய்ப்பு கிடைக்காது. இவை ஒரு பொது விடுமுறை நாளும் அல்ல, மேலும் பெரும்பாலும் வார நாட்களில் விழும். எனவே குடும்ப உறுப்பினர்களுடன் கொண்டாட இந்த ஆண்டு ஒரு சிறந்த ஆண்டாகும்”.
“கோயில்கள் வழிபாடுகளை செய்தாலும் கூட, மக்கள் கலந்துகொள்ள அனுமதியில்லை. எனவே வீட்டிலேயே வழிபாடுகளைச் செய்யுங்கள். குடும்பத்துடன் நேரத்தை செலவிடுங்கள்” என்று மலேசியாகினி தொடர்பு கொண்டபோது அவர் கூறினார்.
சித்திரைப் புத்தாண்டு இன்று இரவு 10.04 மணிக்கு பிறந்தாலும், அது சூரிய உதயத்திற்குப் பிறகு ஏப்ரல் 14 அன்று கொண்டாடப்படும் என்று அவர் கூறினார்.
“நாளை காலை 8:00 மணி முதல் காலை 9:30 மணி வரை வழிபாட்டுக்கு சிறந்த நேரம். நல்ல உணவை சமைத்து உண்ணுங்கள். பொது நன்மைக்காகவும், நாட்டிற்காகவும் உங்கள் அன்புக்குரியவர்களுடன் கொண்டாடுங்கள்” என்று அவர் கூறினார்.
சித்திரைப் புத்தாண்டு இந்து சூரிய நாட்காட்டியின் முதல் நாள். இந்த ஆண்டு சார்வரி ஆண்டு என்று அழைக்கப்படும்.
‘கோவிட்-19-லிருந்து விடுபட பிரார்த்தனை
இதற்கிடையில், மலேசியாவின் குருத்வாரா கவுன்சிலின் தலைவர் சர்தார் ஜாகீர் சிங் இந்த வைசாகி புத்தாண்டில் உலக அமைதிக்காக வீட்டிலிருந்து பிரார்த்தனை செய்ய மலேசியாவில் உள்ள சீக்கிய சமூகத்தினரை அழைத்தார்.
“சீக்கிய நானாக்ஷாஹி நாட்காட்டியின் படி, புத்தாண்டு ஏப்ரல் 14 அன்று பிறக்கும். நடமாட்டக் கட்டுப்பாட்டு உத்தரவு காரணமாக வீட்டில் கொண்டாடுங்கள் என்பது எனது அறிவுரை” என்று அவர் கூறினார்.
குடும்ப உறுப்பினர்களுடன் வீட்டில் கொண்டாடுவது என்பது வழிபாட்டுத் தலத்திற்குச் செல்வதைப் போன்றது என்று ஜாகீர் தொடர்பு கொண்ட போது தெரிவித்தார்.
“கோவிட்-19 பாதிப்பிலிருந்து உலகம் மீண்டு வர பிரார்த்தனை செய்யும் படி நான் கேட்டுக் கொள்கிறேன்,” என்று அவர் கூறினார்.
தை முதல் நாளே நமது தமிழர்கள் புத்தாண்டு. ஏப்ரலில் சித்திரை ஆரியர் புத்தாண்டு 1832 கண்டுப்பிடிதார்கள்.
எது தமிழனக்கு புத்தாண்டு ???
1921ஆம் ஆண்டு தமிழ்க்கடல் தவத்திரு மறைமலையடிகள் தலைமையில் 500 தமிழ்
அறிஞர்கள் கலந்துகொண்ட வரலாற்றுச் சிறப்புமிக்க திருக்கூட்டம் நடத்தப்பெற்றது. சைவம்,
வைணவம், புத்தம், சமணம், இந்து, கிறித்துவம், முகமதியம் என எல்லா சமயங்களையும்
சார்ந்த தமிழ்ப் பேரறிஞர்கள் ஒன்றுகூடி ஆய்வுமுறைகளின் அடிப்பையில் முப்பெரும்
உண்மைகளை உலகத்திற்கு அறிவித்தனர்.
தைமுதல் நாளே தமிழாண்டுப் பிறப்பு
திருவள்ளுவர் பெயரில் தமிழாண்டைப் பின்பற்றுதல்
ஆங்கில ஆண்டுடன் (ஏசு கிறித்து பிறப்பாண்டு) 31 ஆண்டுகளைச் கூட்டித்
திருவள்ளுவராண்டைக் கணக்கிட வேண்டும்.
தமிழுக்கு அரணாக இருந்துவிளங்கிய 500 தமிழறிஞர்கள் சமய வேறுபாடுகளையும் கொள்கை
மாறுபாடுகளையும் மறந்துவிட்டு; ஆரியக் கலப்பையும் வடமொழிக் குறுக்கீட்டையும்
உதறிவிட்டு தமிழ் ஒன்றையே முன்படுத்தி முறையான ஆய்வியல் பார்வையோடு தமிழ்ப் புத்தாண்டு அறிவிப்பை
வெளியிட்டனர்.
அன்றுதொடங்கி உலகம் முழுவதுமுள்ள தமிழ்ப் பற்றாளர்கள் தை முதல் நாளையே தமிழ்ப் புத்தாண்டாக ஏற்றிப் போற்றி
கொண்டாடி மகிழ்கின்றனர். தமிழாண்டு முறைப்படி தங்கள் வாழ்வியலை அமைத்துக்கொண்டு தமிழியல் நெறிப்படி
வாழ்ந்தும் வருகின்றனர்.
இதற்கெல்லாம் முன்பாக…
தைப் பொங்கல் விழா நாளைத் தமிழ்ப் புத்தாண்டுத் தொடக்கமாக தமிழர்கள் பலகாலமாகக் கொண்டாடி வந்துள்ளனர்.
இதற்கான அகநிலைச் சான்றுகள் ஈராயிரம் ஆண்டுகளுக்கு முற்பட்ட சங்க இலக்கியங்களில் காணக் கிடைக்கின்றன.
“தைஇத் திங்கள் தண்கயம் படியும்” என்று நற்றிணையும்
“தைஇத் திங்கள் தண்ணிய தரினும்” என்று குறுந்தொகையும்
“”தைஇத் திங்கள் தண்கயம் போல்” என்று புறநானூறும்
“தைஇத் திங்கள் தண்கயம் போல” என்று ஐங்குறுநூறும்
“தையில் நீராடி தவம் தலைப்படுவாயோ” என்று கலித்தொகையும்
தைத் திங்களில் புத்தாண்டு தொடங்கிய தமிழரின் வரலாற்றை இன்றும் சொல்லிக் கொண்டிருக்கின்றன. இலக்கியப்
பாடல்களில் சான்றுகள் இவ்வாறு இருக்க, பாமர மக்கள் வழக்கிலும் பழமொழி வடிவத்தில் சில சான்றுகளும்
இருக்கின்றன.
“தைப் பிறந்தால் வழி பிறக்கும்” என்ற பழமொழியும்
“தை மழை நெய் மழை” என்ற பழமொழியும்
தமிழர் புத்தாண்டுக்கான வரவேற்பையும் தமிழர் வாழ்வில் தைப் பிறப்புக்கு இருக்கின்ற சிறப்பிடத்தையும்
பறைசாற்றுகின்றன.
மேற்சொன்ன அனைத்துக்கும் மேலாக..
.
உலகத்தில் இயற்கை என்று ஒன்று இருக்கின்றது. அது இயங்கிக்கொண்டே இருக்கிறது. இயற்கையின் இயக்கத்திற்கு
ஏற்பவே உலகத்தின் அனைத்து நடப்புகளும் அமைகின்றன. அந்தவகையில், இயற்கைக்கும் தைப் பிறப்பிற்கும்
நெருங்கிய தொடர்பு உள்ளது. தைத்திங்கள் அதாவது சுறவ மாதம் முதல் நாளில் சூரியன் வடதிசை நோக்கி தன்னுடைய
பயணத்தைத் (அயணம்) தொடங்குகிறது. இதனைத் தமிழில் வடசெலவு எனவும் வடமொழியில் உத்தராயணம் என்றும்
கூறுவர்.
ஆக, சூரியன் வடதிசை நோக்கிப் புறப்படும் புதிய பயணத்தைத் தொடங்கும் நாளில் தமிழர்கள் பொங்கல் வைப்பதும்
அதனைச் சூரியப் பொங்கல் என்று வழங்குவதும் மிகப் பொருந்த அமைந்துள்ளன. ஆகவே, இதனைத் தமிழர்கள் ஆண்டுத்
தொடக்கமாகக் கொண்டது இயற்கையின் சட்டத்திற்கும் உட்பட்டு இருப்பது கவனிக்கத்தக்கது.
இத்தனைக்கும் இடையில்…
ஆதியிலிருந்து தைத் திங்களையே தமிழ்ப் புத்தாண்டாக இருந்தாலும்,
இடைக்காலத்தில் சித்திரையில் தமிழ்ப் புத்தாண்டு தொடங்கிய மரபும்
தமிழரிடையே இருந்துள்ளது. கி.மு 317ஆம் ஆண்டுக்குப் பின்னர் சித்திரை
முதல்நாள் தமிழ்ப் புத்தாண்டாக உருவாகியது. சித்திரைப் புத்தாண்டுக்
கணக்கும் தமிழருக்கு உரியதே.
பிற்காலச் சோழர் காலத்தில் சித்திரைப் புத்தாண்டுக்குப் பெரும் செல்வாக்கு ஏற்பட்டது. இதற்குக் காரணம்,
சோழநாட்டில் தமிழியத்தின் தலைமை கொஞ்சங் கொஞ்சமாக மாறியும் மறுவியும் திரிந்தும்போய் ஆரியப் பார்ப்பனியம்
தலையெடுக்கத் தொடங்கியதுதான்.
இதனால், அதுவரை தூயத்தமிழாக இருந்த தமிழரின் வானியல் கண்டுபிடிப்புகளும், ஐந்திரக் குறிப்புகளும், நாள்,
நாள்மீன், பிறைநாள், திங்கள், ஓரை (ஜோதிடம், தினம், நட்சத்திரம், திதி, இராசி, மாதம்) ஆகிய அனைத்தும் வடமொழிக்கு
மாற்றப்பட்டன. தமிழர் கண்ட வானியல் மரபு ஆரியமயமாக்கப்பட்டு அடியோடு மறைக்கப்பட்டது.
இதுமட்டுமல்லாது, தொல்காப்பியர் காலத்தில், அதாவது கி.மு 5ஆம்
நூற்றாண்டுக்கும் கி.மு.7ஆம் நூற்றாண்டுக்கும் இடைப்பட்ட காலத்தில்
ஆவணி முதல்நாளில் தமிழ்ப் புத்தாண்டு தொடங்கப்பட்டுள்ளது.
தொடிதோட் செம்பியன் எனும் முசுகுந்த சோழன் என்ற மன்னன்
ஆட்சிக்காலத்தில் ஆவணிப் புத்தாண்டுக்குப் முன்னுரிமை கொடுக்கப்பட்டுள்ளதாக மணிமேகலைக் காப்பியம்
தெரிவிக்கின்றது.
முடிவும் விடிவும் இதுதான்
!
ஓர் இடைக்கால மாற்றம் என்பதாலும், ஆரிய வலைக்குள் சிக்கிக் கொண்டதாலும், மீட்க முடியாத அளவுக்குக்
கலப்படம் நேர்ந்துவிட்டதாலும், பார்ப்பனியக் கூறுகளும் மத ஊடுறுவல்களும் அளவுக்கதிமாக நேர்ந்துவிட்டதாலும்
சித்திரையைத் தமிழ்ப் புத்தாண்டாக ஏற்கமுடியாது என 1921இல் 500 தமிழறிஞர்கள் எடுத்த முடிவு முற்றிலும்
சரியானதே என்பதை ஆய்வுப்பார்வையும் அறிவுநோக்கும் கொண்ட எவரும் ஒப்புவர்.
அதுபோலவே ஆவணிப்
புத்தாண்டும் வழக்கற்றுப் போனதோடு காலச்சூழலும் மாறிப்போய்விட்டது.
இந்நிலையில், அகநிலையிலும் புறநிலையிலும் தமிழர்கள் விடுதலை பெற்ற இனமாக வாழவும் உயரவும்
தனித்திலங்கவும் தைப்பிறப்பையே தமிழாண்டுப் பிறப்பாக – தமிழ்ப் புத்தாண்டாகக் கொண்டாட வேண்டும் என்பது
காலத்தின் கட்டாயம்! கடவுளின் தீர்ப்பு!
உலகின் பழமையான இனமாகிய தமிழினம் தலைநிமிர்ந்து வாழ வேண்டுமானால், தமிழரின் வாழ்வியல் தமிழியலைச்
சார்ந்திருக்க வேண்டும்; தமிழியத்தின் விழுமியங்களைத் தாங்கியிருக்க வேண்டும்; தமிழிய மரபுவேர்களில் எழுந்துநிற்க
வேண்டும். இந்த முடிவொன்றே தமிழருக்கு விடிவாக அமையும்.