மே 18 அன்று நாடாளுமன்றம் மீண்டும் தொடங்கும் போது டாக்டர் மகாதீர் முகமது எதிர்க்கட்சியில் அமர்ந்து வரலாறு படைப்பார் என்று நம்பப்படுகிறது.
தி ஸ்டாருக்கு ஒரு அறிக்கையில் இதை அவரே உறுதிப்படுத்தியுள்ளார். எதிர்க்கட்சி தரப்பில் அமரும் இரண்டாம் முன்னாள் பிரதமராக டாக்டர் மகாதீர் இருப்பார். அவ்வாறு செய்த முதல் பிரதமர் நஜிப் ரசாக் ஆவார்.
ஒரே கட்சியின் உறுப்பினர்கள், தொகுதியின் இருபுறமும் அமர்ந்திருப்பது இதுவே முதல் முறை ஆகும்.
பெர்சத்து – இப்போது பிளவுபட்டுள்ளது என்று மகாதீர் விளக்கினார்.
“எனவே, அரசாங்கத்தை எதிர்ப்பவர்கள் அரசாங்கத்துடன் அமர முடியாது”.
“எனவே பக்காத்தான் ஹராப்பானுடன் அமர வேண்டும், ஆனால் பக்காத்தான் உறுப்பினராக அல்ல,” என்று அவர் கூறினார்.
பிப்ரவரி 24 அன்று, பெர்சத்து, பக்காத்தானில் இருந்து வெளியேறிய பின், மகாதீர் பிரதமர் பதவியை ராஜினாமா செய்தார்.
இது பக்காத்தான் அரசாங்கத்தின் வீழ்ச்சிக்கு வழிவகுத்தது. இறுதியில் பெரும்பான்மையான பெர்சத்து நாடாளுமன்ற உறுப்பினர்கள் மற்றும் அம்னோ, பாஸ் மற்றும் சரவாக் கட்சி கூட்டணிகளின் ஆதரவுடன் முகிதீன் யாசின் புதிய பிரதமராக நியமிக்கப்பட்டார்.
மகாதீருக்கு விசுவாசமாக இருப்பதாக நம்பப்படும் ஒரு சிறிய எம்.பி. குழுவும் எதிர்க்கட்சி ஆசனத்தில் அமர்ந்து அவருடன் சேருவார்கள் என நம்பப்படுகிறது.
எதிர்க்கட்சித் தலைவர் பதவி தேர்தலில் மகாதீர் பங்கேற்க மாட்டார் என்று கூறினார்.
இது எதிர்க்கட்சி நாடாளுமன்ற உறுப்பினர்களால் மற்றும் எதிர்க்கட்சி அமைப்பில் உள்ள பெர்சத்து நாடாளுமன்ற உறுப்பினர்களால் முடிவு செய்யப்படும் என்றும், எதிர்க்கட்சித் தலைவராக நியமிக்கப்பட்ட எவரையும் ஏற்றுக் கொள்ளும் என்றும் அவர் கூறினார்.
