நாட்டில் கோவிட்-19 கிருமியின் பிறழ்வுகளை (mutation) சுகாதார அமைச்சு கண்டறிந்துள்ளது என்றும், அவற்றின் மிக வேகமான பரவல் குறித்தும் எச்சரித்துள்ளது.

அவர்கள் கண்டறிந்த பிறழ்வுகளில் ஒன்று ‘பாதிப்பு 26’ என்றும், இது இதுவரை 120 பேரை பாதித்துள்ளது என்றும் சுகாதார இயக்குநர் ஜெனரல் டாக்டர் நூர் ஹிஷாம் அப்துல்லாவின் கூறினார்.

“இதுவரை 30 பிறழ்வுகள் தென்படுகின்றன என்பது புரிந்து கொள்ளப்படுகிறது. இது குறித்து, மருத்துவ ஆராய்ச்சி நிறுவனத்தில் (Institute for Medical Research (IMR)) ஆய்வு நடத்தப்படுகிறது.

எடுத்துக்காட்டாக, ‘பாதிப்பு 26’க்கு ஒரு பிறழ்வு இருப்பதை நாங்கள் கண்டறிந்துள்ளோம். இந்த பிறழ்வு காரணமாக கிருமி மிகவும் மிக வேகமான பரவி, மேலும் 120 பேருக்கு தொற்று ஏற்பட்டது.

“புதிய பிறழ்வுகள் இன்னும் மோசமானவை என்பது நிச்சயம்” என்று நூர் ஹிஷாம் கூறினார்.

அவர் இன்று புத்ராஜெயாவில் ஒரு செய்தியாளர் கூட்டத்தில் பேசினார். கோவிட்-19-இன் 10 பிறழ்வுகளைக் கண்டறிந்த இந்தியாவில் ஒரு ஆய்வு குறித்து அவரிடம் கேட்கப்பட்டது.

இதனிடையே, ‘பாதிப்பு 26’, ஊடா ஹோல்டிங்ஸின் தலைவரும், கசானாவின் நிர்வாக இயக்குநருமான ஹிஷாம் ஹம்தான் என அடையாளம் காணப்பட்டுள்ளது.

பிப்ரவரி 27 ஆம் தேதி அறிகுறிகளை உருவாக்கத் தொடங்குவதற்கு முன்பு ‘பாதிப்பு 26’ ஜனவரி நடுப்பகுதியில் சீனாவின் ஷாங்காய் சென்றுள்ளார். பின்னர் அவர் சுபாங் ஜெயா மருத்துவ மையத்தில் சிகிச்சை பெற்றார். கோவிட்-19 உடன் நேர்மறையாக பரிசோதிக்கப்பட்ட பின்னர் அவர் சுங்கை புலோ மருத்துவமனையில் சிகிச்சை பெற்றார். இது அவரது நெருங்கிய தொடர்புகள் மற்றும் குடும்ப உறுப்பினர்கள் அனைவரையும் சோதிக்க வழிவகுத்தது.

நாட்டில் கோவிட்-19 இன் பிறழ்வுகள் குறித்து மேலும் விரிவாகக் கூறிய நூர் ஹிஷாம், முதல் அலை மற்றும் இரண்டாவது அலையின் ஆரம்ப பகுதியில் கண்டறியப்பட்ட நேர்மறையான பாதிப்புகளில் பெரும்பாலானவை ‘ஸ்ட்ரெய்ன் பி’ (Strain B) ‘பி’ கிருமி வகையை சார்ந்தவை என்றார்.

‘ஸ்ட்ரெய்ன் பி’ அல்லது ‘பி’ கிருமி வகை என்பது சீனாவின் வுஹானில் கண்டறியப்பட்டதாகும். அதே நேரத்தில் ‘ஸ்ட்ரெய்ன் ஏ’ அல்லது ‘ஏ’ வகை கிருமி, பெரும்பாலும் அமெரிக்காவில் கண்டறியப்பட்டதாகும். ‘ஸ்ட்ரெய்ன் சி’ அல்லது ‘சி’ வகை கிருமி, பெரும்பாலும் ஐரோப்பாவில் அதிகம் காணப்படுகின்றன.

“சில நாடுகளில் இருந்து திரும்பிய நேர்மறையான நோயாளிகளை உள்ளடக்கிய இரண்டாவது அலை குறித்து ஆராய்ச்சி செய்வதே இப்போது முக்கியமானது ஆகும்” என்று நூர் ஹிஷாம் மேலும் கூறினார்.