காலை 11:00 மணி: பேரரசர் தனது உத்தரவை முடித்தவுடன் நாடாளுமன்றத்தை விட்டு வெளியேறுவது தெரிகிறது. சுமார் ஐந்து நிமிடங்கள் கழித்து பிரதமர் முகிதீன் யாசின் பின்தொடர்ந்தார்.

டாக்டர் மகாதீர் முகமது மற்றும் நஜிப் ரசாக் ஆகியோரும் சிறிது நேரத்திலேயே புறப்பட்டனர்.

காலை 10.55: அரசியல் தலைவர்கள் மீண்டும் நாட்டை அரசியல் கொந்தளிப்புக்கு இழுக்க வேண்டாம் என்று அறிவுறுத்துகிறார் பேரரசர் .

அரசியலில் முதிர்ச்சியைக் காட்டவும், மக்கள் குறைகளை நிவர்த்தி செய்யவும் மக்கள் பிரதிநிதிகளுக்கு அவர் அறிவுறுத்தினார்.

“மக்கள் பல்வேறு பிரச்சினைகளையும் கோவிட்-19 தொற்றுநோயையும் எதிர்கொள்ளும் போது நாட்டை அரசியல் கொந்தளிப்பிற்குள் இழுக்க வேண்டாம் என்று அறிவுறுத்துகிறேன்” என்று அவர் கூறினார்.

பேரரசர் அரச ஆணையை முடித்த பின்னர் அமர்வு ஒத்திவைக்கப்பட்டது.

காலை 10.45 மணி: சமூக, விவசாய, சுற்றுச்சூழல் மற்றும் சுற்றுலா உள்ளிட்ட பல அரசாங்கக் கொள்கைகளைப் பற்றி பேசுகிறார்.

பின்னர் ஊழல் குறித்து பேசிய அவர், நாட்டின் வளர்ச்சியில் அதிகாரத்தைத் தவறாகப் பயன்படுத்தாமல் இருக்க தேசிய ஊழல் தடுப்பு திட்டத்தை தொடர்ந்து செயல்படுத்துமாறு அரசாங்கத்தை வலியுறுத்தினார்.

ஊழல் ஒரு அருவருப்பான செயல் என்றும் அதை எதிர்க்க வேண்டும் என்றும் பள்ளி நாள் முதல் கொண்டே பொதுமக்களின் மனதில் வலியுறுத்த வேண்டும் என்றும் அவர் கேட்டுக்கொண்டார்.

இந்த கருத்தை எதிர்க்கட்சி சட்டமன்ற உறுப்பினர்கள் உரத்த கைதட்டலுடன் வரவேற்றார்.

காலை 10.35 மணி: பேரரசர் நாட்டு மக்கள் மத்தியில் ஒற்றுமை குறித்த கவலையை வெளிப்படுத்துகிறார்.

பழக்கவழக்கங்களுக்கு எதிரான, இனரீதியான தூண்டுதல்கள் பரவி கடுமையான விளைவுகளை ஏற்படுத்தும் முன்னர் உடனடியாக நிறுத்த வேண்டும் என்று அவர் கூறினார்.

காலை 10.30 மணி: எப்போதும் இருக்கும் நாடாளுமன்ற இருக்கைகள் இன்று மிகவும் வித்தியாசமாக இருந்தன. அனைத்து உறுப்பினர்களும் ஒரு இருக்கையால் பிரிக்கப்பட்டு அமர்ந்திருந்தனர். அவர்களில் சிலர் பொது கேலரியில் அமர வேண்டியிருந்தது.

இருக்கை ஒதுக்கீடு:

114 அரசாங்க நாடாளுமன்ற உறுப்பினர்கள்
107 பாக்காத்தான் ஹராப்பான் நாடாளுமன்ற உறுப்பினர்கள்
1 சுயேட்சை உறுப்பினர்

காலை 10.27 மணி: டாக்டர் மகாதிர் முகமட் பிரதமர் பதவியை விட்டு விலகியதை ஆழ்ந்த வருத்த உணர்வுகளுடன் ஏற்றுக்கொண்டதாகவும், தனது முடிவை மாற்ற அந்த லங்காவி உறுப்பினரை வற்புறுத்த முயன்றும் தோல்வியடைந்ததாகவும் பேரரசர் கூறினார்.

முகிதீன் யாசினுக்கு நாடாளுமன்ற உறுப்பினர்களின் பெரும்பான்மையான ஆதரவு இருப்பதைக் கண்டறிந்த பின்னர், அவரை புதிய பிரதமராக தேர்வு செய்ததாகக் கூறினார்.

காலை 10.25 மணி – பேரரசர் தனது உரையை வழங்க முகக்கவரியை நீக்குகிறார்.

முதல் முறையாக ரமலான் நோன்பு மாதத்தில் நடைபெறும் நாடாளுமன்ற அமர்வு குறித்த அசாதாரண சூழ்நிலைகளை அவர் குறிப்பிடுகிறார்.

“தற்போது, நாடு கோவிட்-19 க்கு எதிராக போரை நடத்துகிறது. ஆனால் இந்த தொற்றுநோயை நாம் திடத்துடனும் ஒழுக்கத்துடனும் ஓர் ஒருங்கிணைந்த மலேசியாவாக எதிர்கொண்டோம்,” என்று அவர் கூறுகிறார்.

சுகாதாரப் பணியாளர்களைப் புகழ்ந்து, அவர்களின் பங்களிப்புக்கு மரியாதை செலுத்தும்படி உறுப்பினர்களைக் கேட்டுக்கொள்கிறார்.

உறுப்பினர்கள் எழுந்து சுகாதார ஊழியர்களை பாராட்டும் வகையில் கைத்தட்டினர்.

காலை 10.10 மணி – அனைத்து நாடாளுமன்ற உறுப்பினர்களையும் சபைக்குள் நுழைய நாடாளுமன்ற மணி ஒலிக்கத் தொடங்கியது.

எவ்வாறாயினும், பேரரசரின் உரையை எதிர்பார்த்து பெரும்பாலான நாடாளுமன்ற உறுப்பினர்கள் ஏற்கனவே மண்டபத்தில் இருந்தனர்.

கோவிட்-19 தொற்றுநோயால் அரசாங்கம் நாடாளுமன்ற ஒரு நாளில் அமர்வதை மட்டுப்படுத்தியது இதுவே முதல் முறை.

பேரரசர் நாடாளுமன்றத்திற்குள் நுழைகிறார்

காலை 10.00 மணி – பேரரசர் சுல்தான் அப்துல்லா சுல்தான் அஹ்மத் ஷா தனது வாகனத்திலிருந்து இறங்குகிறார். அவரை சபாநாயகர் முகமட் ஆரிஃப் எம்.டி யூசோப் மற்றும் மாநில சட்டமன்றத் தலைவர் எஸ் விக்னேஸ்வரன் ஆகியோர் அழைத்து வருகின்றனர்.

நாடாளுமன்ற கட்டிடத்திற்குள் நுழைவதற்கு முன்பு அவர்கள் தேசிய கீதத்தைக் கடைப்பிடிக்கின்றனர். சில நிமிடங்களுக்கு முன்னர், பிரதமர் முகிதீன் யாசினும் வந்தார்.

டாக்டர் மகாதீர், நஜிப் வருகின்றனர்

காலை 9.25 – முன்னாள் பிரதமர் டாக்டர் மகாதீர் முகமட் தனது பாதுகாவலர்களுடன் வருகிறார்.

RIMAU 1925 என்ற எண்ணைத் தாங்கிய தனது கருப்பு புரோட்டான் பெர்டானாவிலிருந்து அவர் ஊடகங்களை நோக்கி கை அசைக்கிறார்.

முன்னாள் பிரதமர் நஜிப் அப்துல் ரசாக் ஐந்து நிமிடங்கள் கழித்து வருகிறார். டிஏபி பிரிவு பொதுச்செயலாளர் லிம் குவான் எங் மற்றும் பி.கே.ஆரின் டாக்டர் வான் அஜிசா வான் இஸ்மாயில் போன்ற எதிர்க்கட்சித் தலைவர்களும் காணப்பட்டனர்.

முன்னதாக, 10 காவல் அதிகாரிகளை அடங்கிய குழு ஊடகங்களை சற்று தூரமாக இருக்க அறிவுறுத்தியது.