இன்று ஒன்பது புதிய கோவிட்-19 பாதிப்புகள் பதிவாகியுள்ளதாக சுகாதார அமைச்சு தெரிவித்துள்ளது. இதனால், இன்றுவரை பதிவாகிய மொத்த பாதிப்புகளின் எண்ணிக்கை 8,764 ஆக உள்ளது.

இன்று குணப்படுத்தப்பட்ட நோயாளிகளின் எண்ணிக்கை ஐந்து ஆகும். மொத்தமாக குணப்படுத்தப்பட்ட நோயாளிகளின் எண்ணிக்கை 8,564 ஆக உள்ளது என்று சுகாதார இயக்குநர் டாக்டர் நூர் ஹிஷாம் அப்துல்லா தெரிவித்துள்ளார்.

இன்றைய புதிய பாதிப்புகளுடன், கோவிட்-19 நோய்த்தொற்றுடன் செயலில் உள்ள பாதிப்புகளின் எண்ணிக்கை இப்போது 96 என்று அவர் கூறினார்.

“அவர்கள் தனிமைப்படுத்தப்பட்டு சிகிச்சை அளிக்கப்பட்டுள்ளனர்,” என்று அவர் மேலும் கூறினார், தீவிர சிகிச்சை பிரிவில் (ஐசியு) ஒரு நோயாளி மட்டுமே சுவாச உதவி தேவையில்லாமல் சிகிச்சை பெற்று வருகிறார்.

ஒன்பது புதிய பாதிப்புகளில், நான்கு வெளிநாட்டு நோய்த்தொற்றுகள், அதில் ஒரு பாதிப்பு மலேசியர் அல்லாதவர் சம்பந்தப்பட்டதாகும்.

ஐந்து உள்ளூர் பாதிப்புகளில், நான்கு மலேசியர் சம்பந்தப்பட்டவையாகும். அதாவது:
– மாம்போங் திரளையில் நெருங்கிய தொடர்பினால் ஏற்பட்ட ஒரு பாதிப்பு
– கூச்சிங்கின் பாவ் மருத்துவமனையில் ஏற்பட்ட ஒரு பாதிப்பு
– இரண்டு ஸ்டூடோங் திரளையில் பாதிப்புகள்
நூர் ஹிஷாம் இன்று எந்த இறப்பும் பதிவாகவில்லை என்றும், மொத்த இறப்பு எண்ணிக்கை 122 ஆக உள்ளது என்றும் கூறினார். இது மொத்த பாதிப்புகளில் 1.39 சதவீதமாகும்.

சரவாக்கின் ஸ்டுடோங்கில் உள்ள ஒரு சந்தையில் ஒரு புதிய திரளை கண்டுபிடிக்கப்பட்டதாக நூர் ஹிஷாம் தெரிவித்தார்.

“இன்று நண்பகல் 12 மணி நிலவரப்படி, மொத்தம் 218 வியாபாரிகள் சோதிக்கப்பட்டுள்ளனர், இதில் 213 மலேசியர்கள் மற்றும் ஐந்து மலேசியர் அல்லாதவர்கள்.”

மாதிரி முடிவுகள் 54 எதிர்மறை நபர்களையும் இரண்டு நேர்மறையானவர்களையும் கண்டறிந்தன என்றும் அவர் கூறினார்.

“தொற்று தடுப்பு, தூய்மைப்பணி மற்றும் கிருமிநாசினி செயல்முறைகள் போன்ற கட்டுப்பாட்டு நடவடிக்கைகளை செயல்படுத்த இந்த சந்தை தற்காலிகமாக மூடப்பட்டுள்ளது. திரளை நோய்த்தொற்றுக்கான காரணம் இன்னும் விசாரணையில் உள்ளது, “என்று அவர் கூறினார்.

இதற்கிடையில், இன்று புது டெல்லியில் இருந்து நாட்டிற்கு அழைத்து வரப்பட்ட 96 பேரும் நல்ல ஆரோக்கியத்துடன் இருப்பதாகவும், நோய்த்தொற்று அறிகுறிகள் இல்லாமல் இருப்பதாகவும் நூர் ஹிஷாம் கூறினார்.

“அவர்கள் நிலாயின் என்ஸ்டெக்கிலுள்ள ஒரு கண்காணிப்பு மையத்தில் 14 நாட்கள் வைக்கப்பட்டனர்.

“கோவிட்-19 நோய்த்தொற்றின் அதிக ஆபத்துள்ள நாட்டில் இருந்து திரும்பி வந்துள்ளதால், அவர்கள் வீட்டில் அல்லாமல், கண்காணிப்பு மையத்தில் கட்டாய தனிமைப்படுத்தலுக்கு வைக்கப்பட்டுள்ளனர்” என்று அவர் மேலும் கூறினார்.