ஒரு தனியார் நிறுவனத்துடனான தனது உறவு தொடர்பான விசாரணைக்கு உதவுவதற்காக முன்னாள் பினாங்கு முதல்வர் லிம் குவான் எங்கின் மனைவி பெத்தி சியூ மலேசிய ஊழல் தடுப்பு ஆணையத்தால் (எம்ஏசிசி) கைது செய்யப்பட்டுள்ளார். அவர் மீது ஆகஸ்ட் 11 ஆம் தேதி பட்டர்வொர்த் செசன்ஸ் நீதிமன்றத்தில் குற்றம் சாட்டப்படும். இது அம்லா சட்டம் 2001 (AMLA) இன் கீழ் விசாரிக்கப்படுகிறது.

ஒரு தனியார் நிறுவனத்துடன் (Excel Property Management and Consultancy Sdn Bhd) அவர் ஈடுபட்டிருப்பது குறித்த விசாரணைக்கு உதவ வாக்குமூலம் அளிக்க அவர் எம்.ஏ.சி.சி வந்திருந்ததாகத் தெரிவிக்கப்பட்டது.

அவர் செவ்வாய்க்கிழமை காலை பட்டர்வொர்த் நீதிமன்றத்தில் குற்றம் சாட்டப்படுவார்.

இதனிடையே, பினாங்கில் கடலடி சுரங்கப்பாதை திட்டத்தில் லஞ்சம் கோரிய குற்றச்சாட்டுக்கு கோலாலம்பூர் செசன்ஸ் நீதிமன்றத்தில் குவான் எங் மீது இன்று குற்றம் சாட்டப்பட்டது. அவர் குற்றத்தை மறுத்து விசாரணைக் கோரினார்.

MACC சட்டம் 2009 இன் பிரிவு 23 இன் கீழ் ஆகஸ்ட் 10 மற்றும் 11 ஆகிய தேதிகளில் பினாங்கு செசன்ஸ் நீதிமன்றத்திலும் அவர் மீது குற்றம் சாட்டப்படும்.