மேல்முறையீட்டு நீதிமன்றத்தின் தீர்ப்பைத் தொடர்ந்து வழக்கறிஞர் வி.கே.லிங்கம் இன்னமும் சட்டத்துறையில் தனது வழக்கறிஞர் தொழிலை  பயிற்சி செய்ய முடியாது

மூத்த வழக்கறிஞர் வி.கே.லிங்கம், 2007- இல் “நீதிபதி-நிர்ணயிக்கும் ஊழல்” என்று குற்றம் சாட்டப்பட்ட வீடியோ கிளிப்புடன் இணைக்கப்பட்ட இவர்  சட்டத்துறையில் ஈடுபடுவதில் இருந்து தடை செய்யப்பட்டார்.

வக்கீல்கள் மற்றும் வழக்குரைஞர்களின் பட்டியலில் இருந்து 2015 இல் அவர் நீக்கப்பட்ட முடிவுக்கு எதிரான மேல்முறையீட்டை நீதிமன்றம் இன்று தள்ளுபடி செய்தது.

மேல்முறையீட்டு நீதிமன்ற நீதிபதி லீ ஸ்வீ செங் தலைமையிலான மூன்று நபர்கள் கொண்ட குழு முன் முடிவை உறுதிப்படுத்தினார்.

லிங்கம் RM30,000 நீதி மன்றச் செலவை செலுத்த உத்தரவிடபட்டது.

உயர் நீதிபதிகளின் நியமனம் குறித்து பேச்சுவார்த்தை நடத்தியதாக கூறப்படும் வீடியோ கிளிப் 2007 இல் பகிரங்கப்படுத்தப்பட்டபோது, ​​லிங்கம் ஒரு நீதிபதி நிர்ணயிக்கும் ஊழலில் சிக்கினார்.

இது குறித்து விசாரிக்க 2008 ஆம் ஆண்டில் அரச விசாரணைக் கமிஷன் அமைக்கப்பட்டது.

இந்த ஊழலில் தொடர்புடைய முக்கிய நபர்கள் மீது நடவடிக்கை எடுக்குமாறு ஐந்து பேர் கொண்ட அந்த ஆணையம் பரிந்துரைத்தது – அதில் லிங்கம், முன்னாள் தலைமை நீதிபதிகள் அஹ்மத் ஃபேருஸ் ஷேக் அப்துல் ஹலீம் மற்றும் யூசாஃப் சின், அம்னோ தலைவர் தெங்கு அட்னான் தெங்கு மன்சோர், முன்னாள் பிரதமர் டாக்டர் மகாதீர் மொஹமட் மற்றும் வணிக அதிபர் வின்சென்ட் டான் ஆகியோரும் அடங்குவர்.

ஆணைக்குழு தனது 191 பக்க அறிக்கையில், தேசத் துரோகச் சட்டம், அதிகாரப்பூர்வ ரகசியங்கள் சட்டம், தண்டனைச் சட்டம், ஊழல் தடுப்புச் சட்டம் மற்றும் சட்டத் தொழில் சட்டம் ஆகியவற்றின் கீழ் விசாரிக்கப்பட வேண்டும் என்று பரிந்துரைத்தது.

லிங்கமும் இன்னும் சிலரும் ஆர்.சி.ஐ கண்டுபிடிப்புகளை எதிர்த்து  சட்ட முயற்சிகளை மேற்கொண்டனர், ஆனால் 2011 செப்டம்பரில் பெடரல் நீதிமன்றம் ஆணையத்தின் தீர்ப்பை நீக்கவோ அல்லது புறக்கணிக்கவோ இயலாது என்று தீர்ப்பளித்தது.

ஒழுங்கு வாரியத்தின் முடிவை ரத்து செய்வதற்கான லிங்கத்தின் சட்ட முயற்சியை (கோலாலம்பூர் உயர் நீதிமன்றம் 2018 மே 22-இல்) தோல்வியில் முடிந்தது..

இன்றைய மேல்முறையீட்டு நீதிமன்றத்தின் முடிவு உயர் நீதிமன்ற தீர்ப்பை எதிர்த்து வழக்கறிஞரின் மேல்முறையீடு தொடர்பானது.

லிங்கம் மலேசியாவுக்கு வெளியே வசிப்பதாக நம்பப்படுகிறது. முன்னதாக, அவர் மருத்துவ சிகிச்சைகாக இங்கிலாந்தில் இருப்பதாக தெரிவிக்கப்பட்டது.