பெர்சத்து கட்சி தலைவர், முஹைதீன் யாசின், வரும் திங்கட்கிழமை மாட்சிமை தங்கியப் பேரரசர் அல்-சுல்தான் அப்துல்லா சுல்தான் அஹ்மத் ஷாவை எதிர்கொள்வார் என எதிர்பார்க்கப்படுகிறது.
திங்கட்கிழமை மதியத்திற்குள் அச்சந்திப்பு நடக்கும் என்று நெருக்கமான வட்டாரம் மலேசியாகினிக்கு ஒரு குறிப்பைக் கொடுத்தது.
தற்போது, முஹைதீன் தனது பிரதமர் சேவையை முடிக்கும் தருவாயில் உள்ளதாகவும், விரைவில் இராஜினாமா செய்வார் என்றும் வதந்திகள் பரவி வருகின்றன.
இருப்பினும், மலேசியாகினி மற்றும் பிற ஊடகங்கள் தொடர்பு கொண்டபோது, பல அமைச்சர்கள் இந்த விஷயத்தை மறுத்தனர்.
“இல்லை (முஹைதீன் இராஜினாமா செய்யவில்லை),” என்று வீட்டுவசதி மற்றும் ஊராட்சிதுறை அமைச்சர் ஜுரைடா கமருடின் மலேசியாகினியிடம் கூறினார்.
அதே விஷயத்தை பிரதமர் துறை அமைச்சரான ரெட்ஜுவான் எம்டி யூசோஃப் சினார் ஹரியனிடம் தெரிவித்தார்: “பிரதமர் இன்று இராஜினாமா செய்யவில்லை.”
அதே விஷயத்தைப், பிரதமர் துறை அமைச்சரான ரெட்ஸுவான் யூசோஃப் சினார் ஹரியான்-இடம் தெரிவித்தார்: “பிரதமர் இன்று இராஜினாமா செய்யவில்லை.”
நாடாளுமன்றத்தில் பெரும்பான்மை ஆதரவைப் பெற, அவருக்கு 11 எம்.பி.க்கள் இல்லை என்று குற்றம் சாட்டப்பட்ட முஹைதீன், இப்போது பல்வேறு தரப்பிலிருந்து அழுத்தங்களை எதிர்கொள்கிறார்.
தற்போது எந்த நாடாளுமன்ற உறுப்பினருக்கும் நாடாளுமன்றத்தில் பெரும்பான்மை ஆதரவு இல்லை என்ற அடிப்படையில் முஹைதீன் இராஜினாமா செய்ய மறுத்தார்.
