பிகேஆர் துணைத் தலைவர் ரஃபிசி ரம்லி, இது அவரது தனிப்பட்ட கருத்து மட்டுமல்ல, பெரிகத்தான் நேசனலுடன் (PN) இணைந்து பணியாற்றுவதற்கான சாத்தியக்கூறுகளை நிராகரிக்க,  பக்காத்தான் ஹராப்பான் தலைமை கவுன்சில் எடுத்த முடிவு என்றார்.

இது PN தலைவர் முகைடின் யாசினுக்கு அளித்த பதிலாகும், அவர் நேற்று ஹராப்பான் PN உடனான ஒத்துழைப்பை நிராகரிப்பதைப் பற்றிய ரஃபிஜியின் அறிக்கையைப் அவரின் தனிப்பட்ட கருத்து என்று விவரித்திருந்தார்.

சில PN தலைவர்கள் அரசியலில் சுமார் 20 வருடங்கள் இருந்தும் தாம் உட்பட தங்களை விட இளையவர்களை இன்னும் கேவலமாகப் பார்க்கிறார்கள் என்று ரஃபிஸி கூறினார்.

இதற்குக் காரணம், இளையவர்கள் PN இல் முடிவெடுக்கும் அதிகாரத்தைக் கொண்டிருக்கவில்லை, மேலும் அவர்கள் அந்தக் கூட்டணியில் உள்ள பழைய தலைவர்களின் வெறும் ஆதரவாளர்களாகவே பார்க்கப்படுகிறார்கள் என்று அவர் கூறினார்.

முகைடின் தனது அறிக்கையை ஒரு தனிப்பட்ட கருத்து என்று நிராகரித்தார், ஏனெனில் PN  பின்கதவு பேச்சுவார்த்தைகளில் நிபுணத்துவம் பெற்றுள்ளது என்று ரஃபிஸி மேலும் கூறினார்.

“அவர்கள் மற்ற கட்சிகளின் உத்தியோகபூர்வ நிலைப்பாட்டை மதிக்கவோ அல்லது ஏற்றுக்கொள்ளவோ ​​இல்லை, ஏனெனில் அவர்கள் அதே நலன்களைக் கொண்ட சில பாத்திரங்களுடன் பேச்சுவார்த்தை நடத்த முடியும் என்று அவர்கள் நம்புகிறார்கள்,” என்று அவர் கூறினார்.

PN உடன் ஒத்துழைப்பதற்கான எந்தவொரு விவாதத்திற்கும் முற்றுப்புள்ளி வைப்பது ஹராப்பான் தலைமை கவுன்சிலின் இறுதி முடிவாகும்.

“ஹராப்பான் தங்கள் கூட்டணியை வலுப்படுத்தி, 15 வது பொதுத் தேர்தலை ஹராப்பனாக எதிர்கொள்ளும் என்று முடிவு செய்யப்பட்டது,” என்று அவர் மேலும் கூறினார்.

பெரிகத்தான் நேசனல் தலைவர் முகைடின் யாசின்

“ஆனால் ஹரபானில் ‘இரண்டாவது அஸ்மின்’ இருப்பார் என்று முகைடினுக்கு நம்பிக்கை இருந்தால், அதுவும் அவரது உரிமை,” என்று அவர் கூறினார், ஷெரட்டன் இயக்கத்தின்போது முகைடினை பிரதமராக ஆதரித்து பிகேஆருக்கு துரோகம் இழைத்து பெர்சத்துக்கு குதித்த  அஸ்மின் அலியை குறிப்பிட்டு ரஃபிசி கிண்டல் செய்தார்.

BN-ஐ எதிர்த்துப் போராட எதிர்க்கட்சிகள் ஒன்றுபட வேண்டும் என்ற PN அழைப்பு நாட்டின் நலனுக்காக என்று முகைதின் கூறியதையும் அவர் மறுத்தார்.

அம்னோவில் தலைவிரித்தாடும் ஊழல் மற்றும் அதிகார துஷ்பிரயோகத்திற்கு பயப்படுவதாக முகைடின் கூறினாலும், ஊழலில் ஈடுபட்ட அம்னோ உறுப்பினர்களைப் பெர்சத்துவில் ஏற்று கொண்டு தான் பிரதமராக முடியும் என்றும் முகைதின் கூறினார்.

அம்னோவால் ஏற்படும் பாதிப்புகுறித்து முகைடின் பயப்படுகிறார், ஆனால் முகைடினும் PN வும் அம்னோவுடன் இணைந்து அரசாங்கத்தை அமைத்தனர்.

“தேசிய நலன்களுக்காக அல்லாமல் தனிப்பட்ட நலன்களுக்காகவும் அதிகாரத்திற்காகவும் ஹராப்பானுடன் இணைந்து பணியாற்ற PN விரும்புகிறது என்று முகைடின் வெளிப்படையாகக் கூறுவது நல்லது… நாங்கள் இளயவர்களாக இருக்கலாம், ஆனால் நாங்கள் முட்டாள்கள் அல்ல,” என்று ரஃபிஸி கூறினார்.