போலீஸ் மீதான புகார்களையும் தப்பான நடவடிக்கைகளையும் விசாரிக்க தனி ஆணையம் (IPCMC) அமைக்க வேண்டும் என்ற பரிந்துரையை கோலாலும்பூர்  உயர்நீதிமன்ற நீதிபதி வி.டி. சிங்கம் வரவேற்கிறார் . தடுப்புக்காவல் மரணம் அதிகரித்து வருவதைக் கருத்தில்கொண்டு அவர் அந்த ஆணையம் அமைவதை ஆதரிக்கிறார்.

“அரச ஆணையம் செய்த பரிந்துரையைக் கிடப்பில் போட்டு வைக்கக் கூடாது.

“அதை விரைவில் செயல்படுத்த வேண்டும். அப்போதுதான்  சம்பந்தப்பட்டவர்களுக்கு போலீஸ் தலையீடின்றி ஒரு தனி அமைப்பு விவகாரங்களை ஆராய்ந்து வருகிறது என்ற மனநிறைவு ஏற்படும்”, என்றாரவர்.

தடுப்புக்காவலில் இறந்துபோன ஏ.குகனின் குடும்பத்தார் அரசாங்கத்துக்கு எதிராக தொடுத்த வழக்கில் தீர்ப்பளித்தபோது சிங்கம் இவ்வாறு கூறினார்.