காவல்துறை தெரிவித்ததாவது, சிரம்பானில் உள்ள வீட்டின் பின்புறத் தோட்டத்தில் சோப்பு கலந்த நீர் நிரப்பப்பட்ட வாளிக்குள் 11 மாத குழந்தை தலைகீழாகக் கண்டுபிடிக்கப்பட்டது.

“அந்தக் குழந்தை அருகிலுள்ள கிளினிக்கிற்கு கொண்டு செல்லப்பட்டு, பின்னர் சிரம்பான் துங்கு ஜாஃபர் மருத்துவமனைக்கு (Hospital Tuanku Jaafar Seremban) பரிந்துரைக்கப்பட்டது. அங்கு நேற்று மாலை 4.30 மணிக்கு அவர் இறந்துவிட்டதாக மருத்துவ அதிகாரி அறிவித்தார்.”

நெகிரி செம்பிலான், சிரம்பானில் நேற்று, தண்ணீர் நிரப்பப்பட்ட ஒரு வாலியில் (bucket) கண்டெடுக்கப்பட்ட 11 மாத பெண் குழந்தை உயிரிழந்ததை அடுத்து, 54 வயது பெண்மணி ஒருவர் கைது செய்யப்பட்டுள்ளார்.

மாலை 7.22 மணிக்கு இது குறித்து புகார் அளிக்கப்பட்டதாக சிரம்பான் காவல்துறைத் தலைவர் யாதிம் ஒஸ்மான் தெரிவித்தார்.

பெற்றோர் வேலைக்குச் சென்றிருந்த நிலையில், காலை 9 மணி முதல் அக்குழந்தை தனது பாட்டியின் பராமரிப்பில் இருந்துள்ளது.

“மதியம் சுமார் 2.30 மணியளவில், பாட்டி சமைத்துக் கொண்டும் துணிகளைத் துவைத்துக் காயப்போட்டுக் கொண்டும் இருந்தபோது, குழந்தை தொட்டிலில் தூங்க வைக்கப்பட்டுள்ளது”.

சிறிது நேரத்திற்குப் பிறகு, குழந்தை தொட்டிலில் இல்லாததை பாட்டி கவனித்துள்ளார். தேடிப் பார்த்தபோது, வீட்டின் புழக்கடையில் (backyard) சோப்பு நீர் இருந்த வாலியில் குழந்தை குப்புறக் கிடந்ததை அவர் கண்டறிந்தார்,” என்று அவர் ஒரு அறிக்கையில் தெரிவித்தார்.

குழந்தை உடனடியாக அருகில் உள்ள மருத்துவமனைக்குக் கொண்டு செல்லப்பட்டு, பின்னர் சிரம்பான் துங்கு ஜாஃபர் மருத்துவமனைக்கு (Hospital Tuanku Jaafar Seremban) மாற்றப்பட்டதாக யாதிம் கூறினார். மாலை 4.30 மணிக்கு குழந்தை இறந்துவிட்டதாக மருத்துவ அதிகாரி உறுதிப்படுத்தினார்.

“இன்று அதிகாலை 1 மணிக்கு பிரேதப் பரிசோதனை செய்யப்பட்டது. ஆய்வக அறிக்கை (laboratory report) வரும் வரை மரணத்திற்கான காரணம் இன்னும் விசாரணையில் உள்ளது,” என்று அவர் கூறினார்.

இவ்வழக்கு, குழந்தை அலட்சியம் தொடர்பான ‘குழந்தைகள் சட்டம் 2001’-ன் பிரிவு 31(1)(a)-ன் கீழ் விசாரிக்கப்பட்டு வருகிறது.