கோலாலும்பூரில் ஒரு மனிதருக்கு நான்கு எலிகள் வீதம் இருக்கின்றன. எலிகளால் ஏற்படும் சுகாதாரக் கேடுகளை விளக்கும் இயக்கத்தைத் தொடக்கிவைத்த மாநகர் மேயர் அஹமட் பீசல் தாலிப் இதனைத் தெரிவித்தார்.

கோலாலும்பூரில் இரண்டு மில்லியன் மக்களுடன் எட்டு மில்லியன் எலிகளும் வாழ்ந்து கொண்டிருக்கின்றன என டிபிகேஎல் மதிப்பிட்டிருப்பதாக பெரித்தா ஹரியான் கூறுகிறது.

எலிகளின் பெருக்கத்துக்கு, பொறுப்பற்ற உணவகங்களும் அங்காடிக்கடைகளும் மீதப்படும் உணவுப் பொருள்களையும் சமையல் எண்ணெயையும் கடைகளுக்குப் பின்னேயுள்ள சந்துகளிலும் சாக்கடைகளிலும் ஆறுகளிலும் கொட்டுவதுதான் காரணம் என்று அஹ்மட் பீசல் கூறினார்.