கடந்த ஆண்டு தேசிய இளைஞர் தினக் கொண்டாட்டத்தின்போது K-Pop  இசை நிகழ்ச்சிக்கு ரிம1.6 மில்லியன் செலவிடப்பட்டதற்குப் பொறுப்பேற்றதற்காக இளைஞர், விளையாட்டு அமைச்சர் கைரி ஜமாலுடினுக்குப் பாராட்டுத் தெரிவித்த பிகேஆர் ஸ்ரீசித்தியா சட்டமன்ற உறுப்பினர் நிக் நஸ்மி நிக் அஹ்மட், அடுத்த ஆண்டு அறிக்கையிலாவது இதுபோன்ற தேவையற்ற செலவினங்கள் இடம்பெறாமல் அமைச்சர் பார்த்துக்கொள்வாரா என்று கேள்வி எழுப்பினார்.

K-Pop இசை நிகழ்ச்சி நடந்தது அஹ்மட் சப்ரி சிக்  இளைஞர் விளையாட்டு அமைச்சராக இருந்தபோது. கைரி இவ்வாண்டு மே மாதம்தான் அந்த அமைச்சுக்குப் பொறுப்பேற்றார். ஆனாலும்கூட தமக்கு முன் இருந்தவர் செய்த செலவுகளுக்கு கைரி பொறுப்பேற்றார்.

“2013-இல் இதுபோன்ற கேள்விக்குரிய செலவினங்களை அமைச்சு செய்யாது என்பதற்கு அமைச்சர் உத்தரவாதம் அளிப்பாரா என்பதைத் தெரிந்துகொள்ள விரும்புகிறேன்”,  என நிக் நஸ்மி கூறினார்.