தம்மை சூலு சுல்தானாக சுய-பிரகடனம் செய்துகொண்டிருந்த ஜமாலுல் கிராம், ஞாயிற்றுக்கிழமை பிலிப்பீன்சில் இறந்துபோனாலும் சூலு படையினரால் சாபாவுக்கு ஏற்பட்ட மிரட்டல் முடிவுக்கு வந்துவிடாது என்கிறார் உள்துறை அமைச்சர் அஹ்மட் ஜாஹிட் ஹமிடி.

“சூலு சுல்தானின் வாரிசுகள் என்று கூறிக்கொண்டு சுமார் ஏழு பேர் சூலு சுல்தான் பதவிக்கு உரிமை கொண்டாடிக் கொண்டிருக்கிறார்கள்”, என்று ஜாஹிட் நாடாளுமன்ற வளாகத்தில் செய்தியாளர்களிடம் தெரிவித்தார்.

“கிராம்  இறந்து விட்டார் என நாம் மிதமாய் இருந்து விடக் கூடாது. நிலைமையைத் தொடர்ந்து அணுக்கமாகக் கண்காணித்து வர வேண்டும்”,என்றாரவர்.