சுற்றுலா, பண்பாட்டு  அமைச்சர் முகம்மட் நஸ்ரி அப்துல் அசீஸ், தம் அமைச்சுக்குச் சொந்தமான நிலத்துக்கு புடுவில் உள்ள சின் வூ தொடக்கநிலைப் பள்ளி உரிமை கொண்டாடக் கூடாது என்று எச்சரித்துள்ளார். மீறி உரிமை கொண்டாடினால் அது அப்பள்ளிக்குத்தான் ஆபத்து என்றார்.

“என்னை எதிர்த்தால், நானும் எதிர்ப்பேன். உங்களை ஒழித்துக் கட்டுவேன். என்னிடம் விளையாட்டு வேண்டாம். அது அரசாங்க நிலம். அது என்னுடைய நிலம்”, எனக் கோலாலும்பூரில் செய்தியாளர் கூட்டமொன்றில் நஸ்ரி கூறினார்..

ஆனால், பள்ளி தன் தவற்றை ஒப்புக்கொண்டு நிலத்தைக் குத்தகைக்கு விடுமாறு வேண்டிக்கொண்டால் அதைப் பரிசீலிக்க அவர் தயாராக இருக்கிறார்.

“நான் நியாயமானவன், எனக்கு எழுதுங்கள்….. பிரச்னையே இல்லை. ஆனால், என்னிடம் மோத வேண்டாம். அது என் நிலம். உங்களைத் துரத்தி அடிப்பேன்”, என்றார்.

அமைச்சுக்குச் சொந்தமான நிலத்தை அப்பள்ளி வைத்துக்கொண்டு கொடுக்க மறுப்பது பற்றிக் கருத்துரைத்தபோது நஸ்ரி இவ்வாறு சொன்னார்.