புக்கிட்  குளுகோர்  சுயேச்சை  வேட்பாளர்  அபு  பக்கார்  சித்திக்  முகம்மட்  ஸான்,  பினாங்கு  முதலமைச்சர்  லிம்  குவான்  எங்-கின்  காரின்முன்  விழுந்து  மறியல்  செய்ததில்  காயங்கள்  ஏற்பட்டிருந்தாலும் அதற்காக  சிஎம்-மீது   ஆத்திரம்  கொள்ளவில்லை; வழக்கு  தொடுக்கப்  போவதுமில்லை. அவர்  சிஎம்மை  ‘மன்னித்து’  விட்டாராம்.

“அந்த  நேரத்தில்  ஆத்திரப் பட்டேன். பிறகு  யோசித்துப்  பார்த்ததில்  நபிகள் மன்னிக்கும்  இயல்புள்ளவர்  என்பது  நினைவுக்கு  வந்தது. அதனால் அவரை (லிம்மை) மன்னித்து  விட்டேன். முதலமைச்சர்  என்ற முறையில் அவரை  மதிக்கிறேன்”,என அபு  பக்கார்  மலேசியாகினியிடம்  தெரிவித்தார்.