2014 பட்ஜெட்டில்  பிரதமர்  நஜிப்  அப்துல்  ரசாக்,  இரவுநேரச்  சந்தை   வியாபாரிகளின்  சலுகைக்  கடனுதவித் திட்டத்துக்கு ரிம100 மில்லியன்  ஒதுக்கப்படும்  என வாக்குறுதி  அளித்திருந்தார்.  ஆனால், அப்படி  ஒதுக்கப்பட்ட  பணம்  எங்கிருக்கிறது  என்பதுதான்  தெரியவில்லை  என  டிஏபி-இன்  ஆயர் குரோ  சட்டமன்ற  உறுப்பினர்  கூ  போய்  தியோங்  கூறினார்.

“கடந்த  ஆண்டு  டிசம்பரில்  பட்ஜெட்  ஏற்றுக்கொள்ளப்பட்டதிலிருந்து  இன்றுவரை  அத்திட்டம்  தொடங்கப்படாதிருக்கிறது.

“பிஎஸ்என்(பேங்க்  சிம்பானான்  நேசனல்)-னைக்  கேட்டால்  பணம்  வந்துசேரவில்லை,  அதனால்  கடனளிக்கும்  திட்டத்தைத் தொடங்கவில்லை  என்கிறது”, என அவர்  மலேசியாகினியிடம்  தெரிவித்தார்.

“அப்படியானால்  வாக்களிப்பட்ட  ரிம100 மில்லியன்  எங்கு  போனது? நிறைவேற்றப்படாத வாக்குறுதிகளில்  இதுவும்  ஒன்றா?”,  என்று  கூ  வினவினார்.