போலீசார்  ஈப்போ  உயர்  நீதிமன்ற  தீர்ப்பைப் பின்பற்றி  இந்திரா  காந்தியின்  மகளை  அவரிடமே  கொண்டுவந்து  கொடுக்க  வேண்டும்  என  முன்னாள்  இன்ஸ்பெக்டர்- ஜெனரல்   அப்  போலீஸ் (ஐஜிபி) மூசா  ஹசான்  கூறியுள்ளார்.

போலீஸ்  பிரசன்னா  திக்‌ஷாவை  மீட்டுக் கொண்டுவர  வேண்டும்  என்றும்  தவறினால்  ஏன்  செய்யவில்லை  என்ற  காரணத்தை  உறுதிமொழி  ஆவணத்தின்  மூலமாக  நீதிமன்றத்தில்  விளக்க  வேண்டும் என்றும்  அவர்  சொன்னார்.

“போலீஸ்  நீதிமன்ற  உத்தரவைப்  பின்பற்றத்தான்  வேண்டும்  வேறு  வழியில்லை”, என  மூசா  மலேசியாகினியிடம்  தெரிவித்தார்.

அதே  வேளையில்  போலீசின்  நிலையும்  சிக்கலானதுதான்.  ஷியாரியா  நீதிமன்றம்  குழந்தைப் பராமரிப்பு  உரிமையை  மதமாறிய  தந்தைக்கும்  பின்னர்  சிவில்  நீதிமன்றம்  அதே  உரிமையைத் தாயாருக்கும்  கொடுத்ததுதான்  இந்தச்  சிக்கலுக்குக்  காரணம்  என்றாரவர்.