அப்துல்  காலிட்  இப்ராகிமை சிலாங்கூர் மந்திரி  புசார்  பதவியிலிருந்து  அகற்றுவதற்கு  பாஸ்  எதிர்ப்புத்  தெரிவிப்பதால்  பக்காத்தான்  ரக்யாட்  உடையும்  என்று  பிகேஆர்  நடப்பில்  தலைவர்  அன்வார்  இப்ராகிம்  நம்பவில்லை.

அதற்கான அறிகுறி  எதுவும்  இல்லை  என்று  கூறிய  அவர்,  அவ்விவகாரத்தில்  பக்காத்தானுக்குள்  கருத்துவேறுபாடு  இருப்பதை ஒப்புக்கொண்டார்.

அடிநிலை  தலைவர்கள்  சிலர்  மாறுபட்ட  கருத்துகளைச்  சொன்னாலும்  தங்களுக்கு  பக்காத்தான்  தலைமைத்துவக்  கொள்கைகளில்  முழு நம்பிக்கை  உண்டு  என்றாரவர்.

“டிஏபி,  பாஸ்,  பிகேஆர்  தலைவர்கள்  கூட்டுறவின்  அவசியத்தை  உணர்ந்து   தங்களுக்கிடையில் ஒத்துழைப்பை மேலும்  வலுப்படுத்திக்கொள்வார்கள்  என்று  நம்புகிறேன்”, என  அன்வார்  கூறினார்.