முஜாஹிட்  யூசுப்  ராவா,  பக்கத்தான் ரக்யாட்டே முதிர்ச்சிபெற்ற  அரசியலுக்கான  சிறந்த  தளம்  என்று நம்புகிறார்.

நாட்டில்  ஒரு  மாற்றத்தை  உண்டுபண்ண, ஒரு  புதிய  அரசியலை  உருவாக்க,  அரசியல்  முதிர்ச்சி  மிகவும்  அவசியம்  என்று  பாஸ்  பாரிட்  புந்தார்  எம்பி  வலியுறுத்தினார்.

பக்கத்தான்  சில  பிரச்னைகளை  எதிர்நோக்கினாலும் பக்கத்தான்  ரக்யாட்  இல்லாத  மலேசியாவைத்   தம்மால் கற்பனை  செய்து  பார்க்க  முடியவில்லை  என்றாரவர்.

“பக்கத்தான்  உடைந்து  நாட்டில்  அரசியல் அரங்கிலிருந்து  மறைந்து போகுமானால்  புதிய  அரசியல்  பற்றிய  கனவு என்னவாகும்  என்பதை  என்னால்  நினைத்துக்கூட  பார்க்க  முடியவில்லை”, என்று  முஜாஹிட்  ஓர்  அறிக்கையில்  கூறினார்.

“வாக்காளர்கள்  இப்போதெல்லாம்  இனத்தின்  அடிப்படையில்  அல்லாமல்  சிறந்த  தேர்தல்  கொள்கைஅறிக்கையின்  அடிப்படையில்தான்  வாக்களிக்கிறார்கள்.

“பக்காத்தான் இனமென்னும்  சுவரைத்  தகர்த்தெறிந்துள்ளது”, என்றாரவர்.