“செலாகா”  என்று  சொல்லி  அம்னோவை  ஆத்திரம்  கொள்ள வைத்த  டிஏபி  சட்டமன்ற  உறுப்பினர்  ஆர்.எஸ்.என். ராயர்மீது  நாளை  தேச நிந்தனைக்  குற்றம்  சாட்டப்படும்.

நாளை பினாங்கு செஷன்ஸ்  நீதிமன்றத்தில்  ஸ்ரீடெலிமா சட்டமன்ற  உறுப்பினரான  ராயர்  குற்றம் சாட்டப்படுவார்  என டிஏபி  சட்ட  விவகாரப்  பிரிவுத்  தலைவர்  கோபிந்த்  சிங்  டியோ  கூறினார்.

“ஏற்கனவே குற்றம்  சாட்டப்பட்ட  அதே  விவகாரத்துக்காக  மறுபடியும்  அவர்மீது  குற்றம்  சாட்டப்படுவதாக  நினைக்கிறோம்”  என்று  கோபிந்த் கூறினார்.

இம்மாதம் மட்டும்  மொத்தம்  ஐந்து  பக்கத்தான்  பிரதிநிதிகள்மீது  தேச நிந்தனைச்  சட்டம் பாய்ந்துள்ளது.