இன்று சிலாங்கூர் அரண்மனையிலிருந்து சிலாங்கூர் மாநில மந்திரி புசாராக நியமனக் கடிதம் பெற்ற பின்னர் பிகேஆர் துணைத் தலைவர் அஸ்மின் அலி அப்பதவிக்கு அக்கட்சியின் ஒருமித்த ஆதரவை இன்றிரவு பெற்றார்.

பிகேஆர் நடப்பில் தலைவர் அன்வார் இப்ராகிம், கட்சி தலைவர் வான் அஸிசா மற்றும் இதர தலைவர்களுடம் இரண்டு மணி நேரத்திற்கு நடைபெற்ற கட்சியின் கூட்டத்தில் அவரது மந்திரி புசார் நியமனத்திற்கு ஒப்புதல் அளிக்கப்பட்டதாக அஸ்மின் அலி பிகேஆர் தலைமையகத்தில் கூடியிருந்த செய்தியாளர்களிடம் கூறினார்.

“நான் எம்பி ஆவதற்கு இணக்கம் தெரிவித்த சுல்தானுக்கு நன்றியுடையவனாக இருக்கிறேன். எனது எம்பி வேட்பாளர் நியமனத்திற்கு கட்சி ஒருமித்த ஒப்புதல் அளித்துள்ளது”, என்று அஸ்மின் கூறினார்.

ஏன் கட்சி தலைவர் வான் அஸிசாவின் வேட்பாளர் நியமனம் நிராகரிக்கப்பட்டது என்று தெரியுமா என்று கேட்டதற்கு, அவர் “காரணம் கொடுக்கப்படவில்லை” என்று சர்வசாதாரணமாக கூறினார்.

“அஸ்மின் நீடூழி வாழ்க” குரல் ஒலிக்கத் தொடங்கியது.