தாய்மொழிப் பள்ளிகள் இனங்களைப் பிரித்துவைப்பதாகக் கூறும் அம்னோ தலைவர்களின் வாதங்களை உடைத்தெறியும் வகையில் சீனப் பள்ளிகள்தாம் “பல்லினப் பள்ளிகளாக”க் காட்சி தருகின்றன என்கிறார் பிகேஆர் இளைஞர் தலைவர் நிக் நஸ்மி..
மலாய்காரப் பிள்ளைகள் உள்பட பல்லின பிள்ளைகளும் அங்கு பயில்வதைக் காண முடிகிறது என நிக் நஸ்மி கூறினார்.
பல்வகை கல்விமுறைகள் தேசிய ஒற்றுமைக்கு சவாலாக அமைவதை ஒப்புக்கொண்டாலும், “சமுதாய ஒப்பந்தம்” தாய்மொழிப் பள்ளிகளுக்கு உத்தரவாதம் அளிப்பதை அவர் சுட்டிக்காட்டினார். எனவே, சம்பந்தப்பட்ட எல்லா இனங்களின் இணக்கமின்றி அதை மாற்றவியலாது.
தாய்மொழிப் பள்ளிகளை ஒழிக்க வேண்டும், முடக்கிப்போட வேண்டும் என்று கூறி நேரத்தை வீணாக்கி, இனப்பதற்றத்தை அதிகரிப்பதை விடுத்து தேசிய வகைப் பள்ளிகளே மலேசிய பெற்றோரின் முதன்மை தேர்வாக அமைய அவற்றின் தரத்தை உயர்த்த முயற்சிகளை முன்னெடுக்க வேண்டும் என்றாரவர்.
அண்ணே நல்லா சொன்னிங்கன்னே
அப்படியும்கூட இந்த பி.கே.ஆர் கட்சி நஸ்மி விட்டுகொடுகாமல்தான் பேசுகிறான்.கடைசியில் அவனின் வாதத்தை படியுங்கள்.தேசிய பள்ளிகள் முதன்மை பள்ளிகளாக திகழ அதன் தரம் உயர்த்தப் பட வேண்டும் என்கிறான்.’வேற்றுமைகளை மறந்து எல்லா மொழி பள்ளிகளின் தரமும் உயர்த்தப் பட வேண்டும்’ என்று சொன்னால் என்ன.மொழி என்பது ஓர் இனத்தின் உயிர்.இந்த வாசகம் எல்லா இனத்திற்கும் உரியது.
பொது தேர்தலுக்கு முன்பு , பிரதமர் அவர்கள் நாடு தழுவிய நிலையில் 7 புதிய தமிழ் பள்ளிகள் கட்டப்படும் என்று வாக்கு கொடுத்தார் ! மக்கள் மறந்து விட்டனர் ! மறதியே அரசியல்வாதியின் செல்வாக்கு,சாணக்கியமாக காய் நகர்த்தும் நிக் நஸ்மி யை குறை சொல்லி பயன் இல்லை !
மலாய், சீனம் , தமிழ் இந்த மூன்று மொழிகளையும் கட்டாயப் பாடமாகக் கொண்டு ஆங்கில மொழியை முதன்மை கல்வி மொழியாகக் கொண்டால் கல்வித் தரமும் நாடும் உயர்நிலை கொள்ளும்.
ஐயா, கரிகாலன் அவர்களே தாங்கள் தவறாக புரிந்துகொண்டுள்ளீர்கள் போலும்! தேசிய பள்ளி அல்ல , தேசிய “வகை ” பள்ளி . முன்பெல்லாம் தேசிய மாதிரி தமிழ் பள்ளியென்று அழைக்கப்பட்டது , திறுத்தம் செய்து தேசிய வகைப் பள்ளியென்று தமிழ் மற்றும் சீன தாய் மொழி பள்ளிகளை அழைகின்றோம். அவரின் கருத்தில் தவறு இருபதாக தெரியவில்லை !