அன்வார்  இப்ராகிம்  தன்னைக்  குதப்புணர்ச்சிக்கு  ஆளாக்கியதாகக்  குற்றம்  சாட்டியுள்ள  முகம்மட்  சைபுல்  புஹாரி  அஸ்லா,  நாளை  நீதிமன்றத்தில்  உண்மை  வெளிவர  வேண்டும்,  அப்போதுதான்  தன்  கெளரவம்  காக்கப்படும்  என்கிறார்.

குதப்புணர்ச்சிக்  குற்றச்சாட்டிலிருந்து  விடுபட  எதிரணித்  தலைவர்  ஏற்பாடுகள்  செய்துவருவதாக  பேச்சு  அடிபடுவதாகவும்  அது  உண்மையாக  இருக்கக்கூடாது  என்றும்  அவர்  விரும்புகிறார்.

“உண்மை  வெளிவருவது  அவசியம்.  அது  என்  கெளரவத்துக்கும்  எதிர்காலத்துக்கும் முக்கியமாகும்.

“அவரை(அன்வார்)  விடுவிக்க  அவரும்,  வெளித்தரப்பினரும்  அரசியல்வாதிகளும்  அழுத்தம்  கொடுத்து  வருவதாகக்  கூறும்  செய்திகள்  உண்மையாக இருக்கக்  கூடாது  எனப்  பிரார்த்திக்கிறேன்”,  என  சைபுல்  தம்  வலைப்பதிவில்  கூறினார்.