எதிரணித் தலைவர் அன்வார் இப்ராகிம் கலந்து கொண்ட ஒரு நிகழ்ச்சிக்கு ஏற்பாடு செய்து அதில் பங்கேற்றதற்காக பல்கலைக்கழக மாணவர் மன்ற தலைவர் ஃபாமி மீது மலாயா பல்கலைக்கழகம் ஒன்பது குற்றச்சாட்டுகளைச் சுமத்தியுள்ளது.

இன்றையத் தேதி இடப்பட்டுள்ள கடிதத்தில் நவம்பர் 7 ஆம் தேதி நடைபெறவிருக்கும் ஒரு ஒழுங்கு நடவடிக்கை விசாரணையில் ஆஜராக வேண்டும் என்று ஃபாமிக்கு கூறப்பட்டுள்ளது.

இந்த நிகழ்ச்சியை ஏற்பாடு செய்வதில் சம்பந்தப்பட்டுள்ளதாகக் கூறப்படும் இதர எட்டு மாணவர்களுக்கும் இது போன்ற கடிதம் கொடுக்கப்பட்டுள்ளது, ஆனால் தாம் மட்டுமே ஒன்பது குற்றச்சாட்டுகளை எதிர்கொள்ள வேண்டியுள்ளது என்று ஃபாமி மலேசியாகினியிடம் கூறினார்.