தன்னார்வக் காவல்  படையினர்(பிபிஎஸ்) 157  பேர்மீது  அடுத்த  கட்ட  நடவடிக்கையைத்  தொடர  சட்டத்துறைத்  தலைவர் (ஏஜி)  அலுவலகத்தின்  கட்டளைக்காகக்  காத்திருப்பதாக  பினாங்கு  போலீஸ்  தலைவர்  அப்துல்  ரகிம் ஹனாபி  கூறினார்.

ஆகஸ்ட்  31-இல்,  கைதுசெய்யப்பட்ட அவர்கள்  மீதான  விசாரணை  முடிந்து  விசாரணை  அறிக்கை  ஏஜி-இடம்  கொடுக்கப்பட்டிருப்பதாக  அவர்  சொன்னார்.

அப்படையினருக்கு  வழங்கப்பட்ட   போலீஸ்  பிணை  டிசம்பர் 1-வரை  நீட்டிக்கப்பட்டுள்ளது.

பினாங்கு  முதலமைச்சர்  லிம்  குவான்  எங்,   பிணை நீட்டிக்கப்பட்டிருப்பது  பிபிஎஸ்  படையினர்மீது  குற்றம்சாட்ட  போலிசிடம்  ஆதாரம்  எதுவுமில்லை  என்பதைக்  காண்பிப்பதாகக்  கூறியிருப்பதற்கு  எதிர்வினையாக  அப்துல்  ரகிம்  இவ்வாறு  கூறினார்.