கனிமநீர் போத்தலில் ஒட்டப்பட்டிருக்கும் ஹலால் சின்னத்திற்கு அடுத்து ஒட்டப்பட்டுள்ள ஓர் இந்து தெய்வத்தின் படம் “வழிபாட்டு கூறுகளை” கொண்டிருக்கலாம் என்று மலேசிய பயனீட்டாளர்கள் சங்கம் (பிபிஐஎம்) கூறுகிறது.

அம்மாதிரியான போத்தல்களை தயாரிப்பதற்கு அவற்றை தயாரித்த சுவான் சின் செண்ட். பெர்ஹாட்டிற்கு “தீய நோக்கம்” இருக்கலாம் என்று பிபிஐஎம்மின் தலைமை ஆர்வலர் நாட்ஸிம் ஜோஹான் கூறினார்.

நேற்று, இது குறித்து தமக்கு கிடைத்த புகார் ஒன்றில் அந்த கனிமநீர் போத்தலில் இந்து தெய்வமான முருக பெருமானின் படம் ஹலால் சின்னத்திற்கு பக்கத்தில் ஒட்டப்பட்டிருந்தது என்று கூறப்பட்டிருந்தது என்று நாட்ஸிம் மேலும் கூறினார்.

ஆகவே, பிபிஐஎம் இவ்விவகாரம் குறித்து நாளை போலீஸ் புகார் ஒன்றை செய்யும் என்றார்.

ஹலால் சான்று வழங்கும் ஜாகிம் இது குறித்து விசாரிக்க வேண்டும் என்றும் அவர் கூறினார்.