அரசாங்கம்,  நேசனல்  பீட்லோட் கார்ப்பரேசனு(என்எப்சி)க்குக்  கொடுக்கப்பட்ட  குத்தகையை  இரத்துச்  செய்து  கடனைத்  திருப்பிச்  செலுத்தத்  தவறியதற்காக  அந்நிறுவனத்தின்மீது  சட்ட  நடவடிக்கையும்  எடுக்கும்.

நிதி  அமைச்சு  நாடாளுமன்றத்தில்  அளித்த  எழுத்து  வடிவிலான  பதிலில். என்எப்சி  அரசாங்கம்  அதற்குக்  கொடுத்த ரிம250 மில்லியன்  கடனுக்கு  2014-இல் திருப்பிச் செலுத்த  வேண்டிய  தொகையைச்  செலுத்தத் தவறிவிட்டது  என்றும்   தொடர்ந்து  விடுக்கப்பட்ட  கோரிக்கைகளுக்கும்  பதிலளிக்கவில்லை  என்றும்  கூறியது.

“எனவே, அரசாங்கம் என்எப்சி-யுடன்  செய்துகொண்ட  ஒப்பந்தத்தை  இரத்துச்  செய்து  அதன்மீது  சட்ட  நடவடிக்கையையும்  எடுக்கும்”, என  காலிட்  சமட் (பாஸ்- ஷா ஆலம்)-டுக்கு  அளிக்கப்பட்ட  பதிலில்  கூறப்பட்டிருந்தது.

முந்திய  ஈராண்டுகளில், கடனில்  ரிம34.98 மில்லியனை  மட்டுமே  என்எப்சி  திருப்பிச்  செலுத்தியுள்ளது.