சங்கப்  பதிவதிகாரி (ஆர்ஓஎஸ்), பேராக்  பிஎன்  சட்டமன்ற  உறுப்பினர்  மனைவியர்  நலவளர்ச்சி  மன்றத்துக்கு(பைடூரி)  நிதி  எங்கிருந்து  கிடைக்கிறது  என்பதை  ஆராய  வேண்டும்  என  பேராக்  பாஸ்  இளைஞர்  பகுதி  கேட்டுக்கொண்டிருக்கிறது.

அதற்கு  மாநில அரசிலிருந்து  பணம்  செல்கிறதா  என்பதை  ஆர்ஓஎஸ்  ஆய்வு  செய்ய  வேண்டும். அப்படி இருந்தால்  அது  தப்பு  என  பேராக்  பாஸ்  தலைவர்  ராஜா  அஹ்மட்  இஸ்கந்தர் யாக்கூப்  கூறினார்.

“இதுவரை  எத்தனை  அரசு  நிறுவனங்கள்  பைடூரிக்கு  நிதி  வழங்கியுள்ளன”, என்றவர்  வினவினார்.

2008 பொதுத்  தேர்தலுக்குப் பின்னர்  பைடூரி  அதன்  எல்லா  நிதி வளங்களையும்  மற்ற  கணக்குகளுக்கு  மாற்றிவிட்டபோதே  பேராக்  பாஸ்  இளைஞர்  பகுதி இவ்விவகாரத்தை எழுப்பியதை  அவர்  சுட்டிக்காட்டினார்.

அத்தேர்தலில்  வென்ற  பக்கத்தான்  மாநில  அரசுக்கு  அந்த  நிதி வளங்கள்  செல்வதைத்  தடுக்கவே  அது அவ்வாறு  செய்தது  என்றாரவர்.