கோத்தா  செந்தோசா  டிஏபி  சட்டமன்ற  உறுப்பினர்  சொங்  சியாங்  ஜென்,   சரவாக்  தோட்டப்புறங்களில்  வேலை  செய்வதற்கு  வங்காள  தேசத்திலிருந்து  12,000 தொழிலாளர்கள்  தருவிக்கப்படுவதை   தடுக்க  வேண்டும்  என்று  மாநில  அரசைக்  கேட்டுக்கொண்டிருக்கிறார்.

“குறைந்த  சம்பளத்தில்  வேலை  செய்வதற்காக  சரவாக்  வரும்  இத்தொழிலாளர்கள்  உள்ளூர்  மக்களுக்குப்  போட்டியாக  விளங்குவார்கள்”, என்றவர்  சொன்னார்.

சரவாக்  தோட்டங்களில்  வேலைசெய்ய  வங்காள  தேசத்திலிருந்து  12,000  தொழிலாளர்களைக்  கொண்டுவர  கூட்டரசு  அரசாங்கம்  திட்டமிட்டிருப்பதாக  அண்மையில் மனிதவள  அமைச்சர்  ரிச்சர்ட்  ரயோட்  அறிவித்திருந்தார்.

“குடிநுழைவு  விவகாரத்தில்  சரவாக்கிடம்  முழு  அதிகாரம்  இருக்கிறது. மாநில  அரசின்  ஒப்புதலின்றி  அந்த  12,000  தொழிலாளர்கள்  உள்ளே  வர  முடியாது”, என்று சரவாக்  டிஏபி  தலைவருமான  சொங்  கூறினார்.