தென்  பிலிப்பின்சுக்குக்  கடத்திச்  செல்லப்பட்ட  சாபாவைச்  சேர்ந்த  மீன்   வளர்ப்புப்  பண்ணை  உரிமையாளர்  ஒருவரையும்  ஒரு  போலீஸ்காரையும்  கடத்தல்காரர்கள்  கேட்கும் பிணைப்பணத்தைக் கொடுத்து மீட்டு  வரலாமே  என்று எதிரணி  எம்பி ஒருவர்  கூறியதை  உள்துறை  அமைச்சர்  ஜாஹிட்  ஹமிடி  நிராகரித்தார்.

“பிணைப்பணம்  கொடுப்பது அரசாங்கத்தின்  கொள்கை  அல்ல, போலீஸ்காரர்கள்  சம்பந்தப்பட்டிருந்தாலும்  அப்படித்தான்”, என ஜாஹிட்  கோலாலும்பூரில்  செய்தியாளர்களிடம்  தெரிவித்தார்.

கடத்தப்பட்டவர்களில்  ஒருவரின்  மனைவியும்  பெற்றோரும்  உதவி  நாடி  வந்தார்கள்  என்றாலும்  தாம் இவ்விசயத்தில்  உறுதியாக இருக்க வேண்டியது  அவசியமாகிறது  என்றாரவர்.

ஆனாலும், அவ்விருவரையும்  மீட்டுவர  முயற்சிகள்  நடப்பதாக  அமைச்சர்  தெரிவித்தார்.  ஆனால், அவை  பற்றிய  விவரங்களை  அவர்  வெளியிடவில்லை.