பினாங்கு  சட்டமன்றம், பொருள்,  சேவை வரியின்  அமலாக்கத்தை  2015  ஏப்ரலுக்கு,  அம்மாநிலம்  ஒரு வளர்ந்த  மாநிலமாக  உருவாகும்வரை  தள்ளி  வைக்க  வேண்டும்  எனக்  கேட்டுக்கொள்ளும்  தீர்மானம்  ஒன்றை  நிறைவேற்றியுள்ளது.

அந்த  அவசரத்  தீர்மானத்தைக்  கொண்டுவந்த  லீ  காய்  லூன்(பிகேஆர்- மாச்சாங் பூபோக்,  ஜிஎஸ்டி  எழைகளையும்  நடுத்த  வருமானம்  பெறும்  தரப்பினரையும்  சிரமப்படுத்தும்  என்றார்.

அத்தீர்மானம் மீது  பேசிய முகம்மட்  பாரிட்  சாஆட்(பிஎன் -பூலாவ்  பெத்தோங்), பாரிசான்  நேசனல்  அரசாங்கம்  பொறுப்புள்ள  அரசாங்கம்  என்றும் அது  மக்களின்  இப்போதைய  நலன்களையும்  வருங்கால  நலன்களையும்  கருத்தில்  கொண்டிருக்கிறது  என்றும் கூறினார்.

“ஜிஎஸ்டி-யைச் செயல்படுத்த  முடிவு  செய்வதற்குமுன்  பலவற்றையும்  ஆராய்ந்திருக்கிறது. 100-க்கு  மேற்பட்ட  நாடுகளில்  அதை  எப்படிச்  செயல்படுத்துகிறார்கள்  என்பதும் ஆராயப்படுகிறது”, என்றாரவர்.