உலகின்  எண்ணெய் விலை  சரிந்து  வரும்வேளையில்  உதவித்  தொகையை  நிறுத்திக்கொண்டு  விலையை  மிதக்கவிட்டிருக்கும்  அரசாங்கம்  விலைகள் உயரும் பட்சத்தில்  திரும்பவும்  உதவித்  தொகையை  கொடுக்குமா  என  ஈப்போ  பாராட் எம்பி  எம்.குலசேகரன்  வினவுகிறார்.

“எந்த  நேரத்திலும் உலக  எண்ணெய்  விலை உயரலாம். இப்போதைய  கட்டுப்படுத்தப்பட்ட  மிதவை  முறையின்கீழ்  அரசாங்கத்தின்  உதவித் தொகையின்றி  ரோன் 95,  டீசல்  ஆகியவற்றின்  விலையும்  உயரும்.

“அப்படி எண்ணெய்  விலை  உயரும்போது மக்களின்  சுமையைக்  குறைக்கும்  வகையில்  உதவித்தொகை  மீண்டும் கொண்டுவரப்படும்  என  அரசாங்கம்  உத்தரவாதம் அளிக்க  வேண்டும்”, எனக்  குலசேகரன்  ஓர்  அறிக்கையில்  கேட்டுக்கொண்டார்.