மலாய்க்காரர்-அல்லாதார் “சமுதாய  ஒப்பந்தத்தை” மதிக்க  வேண்டும்  என்று  அம்னோ  இளைஞர்  தலைவர்  கைரி  ஜமாலுடின் கேட்டுக்கொண்டிருப்பதை  “இனவாதப் பேச்சு” என்று  வருணித்துள்ள  பிகேஆர்  இளைஞர்  தலைவர்  நிக்  நஸ்மி  நிக்  அஹ்மட்டை  மலாய்  உரிமைக்காகப்  போராடும் பெர்காசா  கண்டித்துள்ளது.

மலாய்க்காரர்  உரிமைகளைப்  பாதுகாக்க  முனைவது இனவாதமல்ல  என்று  கூறிய  பெர்காசா  உச்சமன்ற  உறுப்பினர்  அஸ்ருல்  அக்மால்  சஹாருடின், இன்று  மலாய்க்காரர்கள்  பொருளாதாரத்திலிருந்து  விடுபட்டிருக்கிறார்கள் என்பது  கற்பனையல்ல  என்றார்.

“மலேசியாவில், யாராவது  சமயத்தை, இனத்தை,  நாட்டைத்  தற்காத்துப்  பேசினால் போதும், உடனே  அவர்  வாயை  அடக்க  இனவாதி  என  முத்திரை  குத்தி விடுவார்கள்”, என்றாரவர்.