மலேசியாவில்  முதலீடு  செய்ய  விரும்பும்  அன்னிய  நிறுவனங்கள் உள்நாட்டு  நிறுவனமொன்றைப்  பங்கு  சேர்த்துக்கொள்ள  வேண்டும்  என்ற  கொள்கையை  நீக்க  வேண்டும்  என்று  லண்டன்  மேயர்  போரிஸ்  ஜான்சன்  பரிந்துரைத்துள்ளார்.

நேற்றிரவு கஜானாவின் உலகளாவிய  சொற்பொழிவு  நிகழ்வில்  உரையாற்றிய  அவர், “இந்த  ஆலோசனையைப்  பரிசீலிக்க  வேண்டும்”, எனப் பிரதமர்  நஜிப்  அப்துல்  ரசாக்கைக்  கேட்டுக்கொண்டார்.

லண்டன் மாநகர்  பல  ஆண்டுகளுக்கு  முன்பே  இப்படிப்பட்ட  கொள்கையை  அகற்ற  முடிவு  செய்ததைச்  சுட்டிக்காட்டிய  அவர், அதன்  விளைவாக  உள்நாட்டுத்  திறன்கள்  ஒதுக்கப்படவில்லை  என்றார். மாறாக, அது  தொழில்  பெருக்கத்தைத்  தூண்டியது, இலட்சக்கணக்கான  வேலைவாய்ப்பை  உருவாக்கியது  என்றார்.