தேச  நிந்தனைச்  சட்டத்தை  இரத்துச்  செய்யப்போவதாகக்  கூறிய  பிரதமர்  நஜிப்  அப்துல்  ரசாக் கொடுத்த வாக்குறுதியிலிருந்து  பின்வாங்கி  அச்சட்டத்தை  வைத்துக்கொள்ள  முடிவு  செய்ததால்  அமெரிக்காவே  “குழம்பிப்போயிருப்பதாக”க்  கூறுகிறார்  அமெரிக்கத்  தூதர்  ஜோசப்  ஒய்  யுன்.

“அரசாங்கம்  தேச  நிந்தனைச்  சட்டம்  மீட்டுக்கொள்ளப்பட்டு  அதனிடத்தில்  தேசிய  நல்லிணக்கச்  சட்டம்  2012  கொண்டுவரப்படும்  என்று  அறிவித்தபோது  அனைத்துலகச்  சமுதாயம்  அதைப்  பெரிதும்  வரவேற்றது.

“அதனால், அச்சட்டம்  இரத்துச்  செய்யப்படாது  மேலும்  வலுப்படுத்தப்படும்  என்று  மலேசிய  அரசாங்கம்  அறிவித்ததைக் கேட்டு  நாங்களும்  வியப்படைந்து  போனோம்”, என்றவர்  மலேசியாகினியின்  நேர்காணல்  ஒன்றில்  கூறினார்.