நேப்பாள் நாட்டவரான நிர்மலா தாப்பாவின் வழக்குரைஞர், நிர்மலா குற்றஞ்சாட்டப்பட்டு தண்டிக்கப்பட்டது சரிதான் என்று வாதாடும் சட்டத்துறைத் தலைவரின் (ஏஜி) செயல் “ஏமாற்றமும் வியப்பும்” அளிப்பதாகக் கூறினார்.
நிர்மலாவுக்குக் கருக்கலைப்பு செய்துகொண்டதற்காக ஓராண்டுச் சிறைத் தண்டனை விதிக்கப்பட்டதாக அறிவிக்கப்பட்டுள்ளது.
குற்றப் பத்திரிகையைக் கூர்ந்து ஆராய்ந்தால், அவர் புக்கிட் மெர்தாஜாம் மருத்துவ நிலையமொன்றில் சுயமாகக் கருக்கலைப்பு செய்து கொண்டதற்காக தண்டிக்கப்பட்டிருப்பது தெரிய வரும் என்று வழக்குரைஞர் சிசில் ராஜேந்திரா கூறினார்.
“நிர்மலா அவர் செய்யாத ஒன்றுக்காகக் குற்றஞ்சாட்டப்பட்டு தண்டிக்கப்பட்டது ஏன் என்பதுதான் எங்களுக்குப் புரியவில்லை.
“தகுதிபெற்ற மருத்துவர் ஒருவர்தான் நல்லெண்ணதுடன் சட்டப்பூர்வமாக அவருக்குக் கருக்கலைப்பு செய்திருக்கிறார்”.
ஆனால், மருத்துவரிடம் விசாரணை நடத்திய பின்னர் அவரை விடுவித்து விட்டனர்.
“அதேவேளை குற்றப்பத்திரிகையில் கூறப்பட்டுள்ள செயலை அவர் சுயமாக செய்துகொண்டதுபோல அவர்மீது குற்றம் சாட்டி தண்டனையும் கொடுக்கப்பட்டிருக்கிறது.
மருத்துவர் தாமே கருக்கலைப்புச் சிகிச்சை செய்ததாக வாக்குமூலம் கொடுத்துள்ள போதிலும் நிர்மலா மட்டுமே தண்டிக்கப்பட்டிருக்கிறார்.
இன்னொருவர் செய்ததாக ஒப்புக்கொண்ட ஒரு செயலைப் புரிந்தார் என ஒரு பெண்ணின்மீது குற்றம்சாட்டப்பட்டுத் தண்டிக்கப்பட்டது எப்படி என சிசில் ஏஜியை வினவினார்.
அவன் ஒரு மர மண்டையன் . .
இங்குள்ள இந்தோனேசியப் பெண்கள், மலாய்ப்பெண்கள் இது போன்ற சம்பவங்களில் நிறையவே ஏற்கனவே குற்றம் சாட்டப்பட்டிருக்கின்றனர். ஆனால் நேப்பாள நாட்டைச் சேர்ந்த பெண் ஏதோ புதிதாக ஆரம்பித்து வைப்பது போல தண்டனைக் கொடுத்திருப்பது நமக்கும் ஏமாற்றம் அளிக்கிறது!
ஒரு வேலை ஹிந்து மத அடிப்படையில் தண்டை தந்தாரோ . காரணம்
இஸ்லாமியர்கள் என்ன தப்பு செய்தலும் அவர்கள் மதம் அனுமதிக்கும் போலும் . அனால் ஹிந்து மதத்தில் தப்பு செய்தால் தண்டனை நிச்யம் என்பது திண்ணம் . ஒரு வேலை இவருக்கு தர படும் தண்டனையால் மேலும் பல இஸ்லாம் அல்லாத பெண்கள் தப்பு செய்ய மாட்டார்கள் என்ற நம்பிக்கையாகவும் இருக்கலாம் .
இதுவே இன்றைய இந்நாட்டின் நிலை- நீதி இனங்களுக்கு வெவ்வேறு வித மாக அளிக்கப்படும் ஈன நிலை. நீதி செத்து பல ஆண்டுகள் ஆகிவிட்டது. பேசவே எரிகிறது.
நிதிதேவதையின் கண்கள் கட்டபட்டிருக்கும் வரை இதெல்லாம் சாதரணமப்பா.
அந்த நேப்பாள் நாட்டுப் பெண் நிர்மலா இங்கே கொள்ளையடிக்கவில்லை. யாரையும் கொலையும் செய்யவில்லை. அவர் கருக்கலைப்பு செய்தது அல்லது சுயமாக கருக்கலைப்பு செய்து கொண்டது இந்த நாட்டு சட்டப்படி குற்றம் என்றால்:-
1. அவரை அவரின் சொந்த நாட்டுக்கே அனுப்பிவிட வேண்டும்
2. இந்தக் கருக்கலைப்பை மற்றவர் (மருத்துவர்) செய்திருந்தால் அவருக்கு என்ன தண்டனை?
3. தவறான வழியில் அவர் கர்ப்பம் அடைந்திருந்தால் அல்லது பலாத்காரம் செய்யப்பட்டு அவர் கர்ப்பம் அடைந்திருந்தால் அந்தக் கர்ப்பத்துக்கு காரணமானவர் யார் என்று கண்டுபிடித்து அவருக்கு அல்லவா தண்டனை அளிக்க வேண்டும்? ஏழை என்றால் மோழையும் பாயுமாம். கேட்க நாதியில்லை என்றால் சட்டமும் அவருக்கு எதிராக பாய்ந்தால் சாமான்ய மக்களுக்கு யார்தான் பாதுகாப்பு?
மலேசியா போலே!.