சம்பளம்  கொடுபடாதிருந்த  பெர்னாமா  டிவி (பிடிவி) பணியாளர்கள்  சுமார்  30  பேர்,  இரண்டு  நாள்களுக்கு  முன்  நவம்பர்  ,மாதத்துக்கான  பகுதிச்  சம்பளமாக   ரிம500  மட்டுமே  வழங்கப்பட்டதை  அடுத்து  நேற்று   மீண்டும்  விடுப்பில்  சென்றனர்.

மலேசியாகினிக்குக்  கிடைத்த  கடிதமொன்றில் “பெர்னாமா டிவி சைனர்ஜி முழுச்  சம்பளத்தைக்  கொடுத்தாலொழிய  டிசம்பர்  10-இலிருந்து நிதி  நெருக்கடியின்  காரணமாக வேலைக்கு  வர  இயலாது” என்று  பணியாளர்கள் குறிப்பிட்டிருந்தனர்.

இதற்குமுன்  அவர்கள்  அக்டோபர் 20-இல்  முழுச்  சம்பளம்  வாங்கிய  பின்னர்  நவம்பர்  மாதச்  சம்பளம்  கொடுபடாத  நிலையில்  கடந்த வாரம்  முழுவதும்  வேலைக்குச்  செல்லவில்லை.

இதனிடையே,  பணீயாளர்களின்  பிரச்னை  பற்றி பெர்னாமா  செய்தி  நிறுவனத்தின்  பொது  மேலாளர்  சுல்கிப்ளி   சாலே  இன்று  பின்னேரம்  அவர்களுடன்  பேச்சுகள்  நடத்துவார்  என பிடிவி  வட்டாரங்கள் தெரிவித்தன.