டாக்டர்  மகாதிர் முகம்மட்  பிரதமர் நஜிப்  அப்துல்  ரசாக்கைக் குறைகூறுவதை  “ஆக்கப்பூர்வமான  அறிவுரையாக”த்தான்  எடுத்துக்  கொள்ள  வேண்டும்  என்கிறார்  பண்பாட்டு, சுற்றுலா  அமைச்சர்  நஸ்ரி அசீஸ்.

மகாதிர்  நீண்ட காலம்  பிரதமராக  இருந்தவர். நாட்டு நடப்புகளில்  அக்கறை  கொண்டவர்  என்றாரவர்.

“அக்கறை  இருப்பதால்தான்  அவர்  குறைகூறுகிறார். பிடிக்கவில்லை  என்பதால்தான்  அவர்  குறை  சொல்வதாக  நினைக்கக்  கூடாது.

“மகாதிருக்கு  நஜிப்பைப்  பிடிக்கும்  என்பது  எனக்குத்  தெரியும். என்னைவிட நஜிப்பை  அவருக்கு  அதிகம்  பிடிக்கும்”,என்று  நஸ்ரி  கூறினார்.

அவரது குறைகூறல்களை  ஆக்கப்பூர்வமான  அறிவுரைகளாக  எண்ணிக்  கடுமையாக  உழைக்க  வேண்டும்  என  நஸ்ரி  சொன்னார்.