கல்வி  அமைச்சு  ஆறாம் படிவ  மாணவர்கள் சீருடை  அணிய விரும்பாவிட்டால்  வேறு உடைகளை  அணிந்து வர  அனுமதி  அளித்திருப்பதை  மஇகா  தலைவர்  ஒருவர்  குறை  கூறினார்.

இதனால்  கல்வியின்  தரம் ஒன்றும்  உயரப்போவதில்லை  என அதன்  இளைஞர்  தலைவர்  சி.சிவராஜா  கூறினார்.

“இந்நடவடிக்கை  பணக்கார  ஏழை  மாணவரிடையே  பிரிவினையைத்தான்  உண்டுபண்ணும். பணக்கார  மாணவர்கள்  விலையுயர்ந்த உடைகளை  அணிந்து பகட்டுக் காண்பிப்பார்கள். ஏழைகள்  தாழ்வு மனப்பான்மையால்  பாதிக்கப்படுவர்.

“அது  ஏழை  மாணவரின்  கல்வியையும்  பாதிக்கும்”, என்றவர்  ஓர்  அறிக்கையில்  கூறினார்.

இது  ஒரு  “மோசமான  யோசனை”  என்று  வருணித்த  சிவராஜா  இதனால்  பல  கட்டொழுங்கு பிரச்னைகளும்  ஏழலாம்  என்றார்.

மேலும், ஆடம்பர  உடைகள்  கேட்டு  மாணவர்கள்  அடம்  பிடித்தால்  அது  பெற்றோருக்கு  கூடுதல்  தொல்லையாக  அமையும்.

மாணவர்கள், குறிப்பாக  மாணவிகள்  நாளை  என்ன  அணியலாம்  என்ற  சிந்தனையிலேயே  பெரும்பகுதி  நேரத்தைக்  கழிக்கின்ற  நிலையும்  உண்டாகலாம்  என்றாரவர்.