முன்னாள் செனட்டரும் ஹிண்ட்ராப்பின் தலைவருமான பி.வேதமூர்த்தி சரவாக்கில் ஒரு கருத்தரங்கில் தேச நிந்தனைச் சட்டம் குறித்து உரையாற்றுவதற்கு இன்று காலை கூச்சிங் விமான நிலையத்தில் வந்திறங்கினார்.

ஆனால், அவர் குடிநுழைவுத்துறை அதிகாரிகளால் தடுத்து நிறுத்தப்பட்டார். அத்துறையின் மூத்த அதிகாரி வேதமூர்த்தி சரவாக்கில் நுழைவதற்கு சரவாக் மாநில முதலமைச்சர் அலுவலகம் தடை விதித்திருப்பதாக அவரிடம் தெரிவித்தார் என்று ஹிண்ட்ராப் வெளியிட்ட அறிக்கை கூறுகிறது.

ஆனால், அவரது வருகைக்காக கூச்சிங் விமான நிலையத்தில் காத்திருந்த ஆதரவாளர்களை சிறிது நேரம் சந்திப்பதற்கு வேதமூர்த்தி அனுமதிக்கப்பட்டதாக அந்த அறிக்கை மேலும் கூறிற்று.